Ársreikningar
Forsendur fyrir samræmdum og sértækum reglum er varða sveitarfélögin eru margþættar. Mikilvægt er að bókhald sveitarfélaga sé samræmt þannig að hægt sé að bera saman niðurstöður rekstrarreiknings, efnahag og sjóðstreymi milli ára hjá sama sveitarfélagi og milli einstakra sveitarfélaga. Á grundvelli samræmdra reikningsskilareglna er einnig hægt að draga saman niðurstöður fyrir öll sveitarfélög á landinu og bera þær saman milli ára. Að lokum er slík samræming mikils virði þegar fjallað er um fjármál sveitarfélaga í samskiptum þeirra við ríkisvaldið.
Samband íslenskra sveitarfélaga safnar ársreikningum sveitarfélaga samhliða söfnun Hagstofu Íslands þetta árið. Þau geta skilað þeim með tvennum hætti, annað hvort í gegnum endurskoðunarfyrirtæki sín eða með því að nota "Form ársreikninga 2025" hér fyrir neðan, en formið er með sambærilegum hætti og Hagstofa Íslands hefur notast við að undanförnu. Í slíkum tilfellum skulu sveitarfélög senda öll gögn (þ.m.t. fylgiskjöl) til Sambandsins á netfangið upplysingaveita@samband.is.