Fara í aðalefni

Mannauðstorg Sambandsins

Kjarasamningar

Starfsfólk sveitarfélaga á rétt á launum samkvæmt kjarasamningi Sambands íslenskra sveitarfélaga og þess stéttarfélags sem semur um kaup þess og kjör.

Samband íslenskra sveitarfélaga fer með samningsumboð fyrir hönd allra sveitarfélaga við gerð kjarasamninga KÍ félaga og Landssamtaka slökkvilis- og sjúkraflutningarmanna. Sambandið fer einnig með samningsumboð við gerð kjarasamninga annarra stéttarfélaga sem samið er við fyrir hönd allra sveitarfélaga utan Reykjavíkur.

Hvert stéttarfélag fer með eigið samningsumboð nema það kjósi að hafa samflot eða framselja samningsumboðið til heildarsamtaka sinna.

Í miðlægum kjarasamningi er samið um þætti eins og forsendur launasetningar, vinnutíma, orlof, veikindarétt og fleira auk almennra launahækkana.

ASÍ félög

Alþýðusamband Íslands er samband stéttarfélaga launafólks á almennum vinnumarkaði. ASÍ er stærsta fjöldahreyfing launafólks á landinu. Um tveir þriðju hlutar launamanna í skipulögðum samtökum á Íslandi eru í ASÍ.

BSRB félög

BSRB eru stærstu heildarsamtök starfsfólks í almannaþjónustu á Íslandi. Hlutverk þeirra er að fara með forystu í hagsmuna- og réttindabaráttu starfsmanna í almannaþjónustu og stuðla að bættu velferðarsamfélagi.

BHM félög

BHM eru heildarsamtök 24 aðildarfélaga. Í aðildarfélögunum eru yfir 18 þúsund félagar með margvíslegan bakgrunn og sérfræðiþekkingu sem starfa á öllum sviðum samfélagsins. Í krafti fjöldans og fjölbreytninnar stendur BHM vörð um mikilvægi hugvits, sérfræðikunnáttu og menntunar.

KÍ félög

Kennarasamband Íslands (KÍ) er stéttarfélag kennara á Íslandi. KÍ starfar á landsvísu og aðildarfélögin eru átta. Félagsmenn eru rúmlega 11 þúsund og starfa í leikskólum, grunnskólum, tónlistarskólum og framhaldsskólum.

Félög utan bandalaga

Stéttarfélög sem eru utan bandalaga.

Tengt efni

Fundargerðir

Samstarfsnefndar SNS og samráðsnefndar bæjarstjarfsmannafélaga