Fréttir og tilkynningar

Fyrirsagnalisti

23. maí 2017 Fjármál : Breytingar á A deild Brúar lífeyrissjóðs frá 1. júní

BRU_Adeild_498x175px

Breytingar verða á réttindaöflun sjóðfélaga í A deild Brúar lífeyrissjóðs frá og með 1. júní næst komandi.  Breytingarnar hafa mismunandi áhrif á sjóðfélaga og eru þær gerðar vegna breytinga á lögum um Lífeyrissjóð starfsmanna ríkisins. Hefur sú lagabreyting áhrif á A deild Brúar lífeyrissjóðs.

Nánar...

19. maí 2017 Félagsþjónusta og forvarnamál : Hlutverk sveitarfélaga til að tryggja að ungt fólk geti staðið á eigin fótum og orðið virkir samfélagsþegnar

Á vorþingi Sveitarstjórnarþings Evrópuráðsins, sem haldið var 28.-30. mars 2017, var m.a. fjallað um skýrslu um stöðu ungs fólks í Evrópu og hvað sveitarfélög geta gert til að auðvelda þeim að verða sjálfstæðir einstaklingar og fullgildir þátttakendur í samfélaginu. Í kjölfarið samþykktu þingfulltrúar tilmæli til sveitarfélaga um nýsköpun í stefnumótun og aðgerðir í málefnum ungs fólks, s.s. að því er varðar samráð, menntun, heilbrigðisþjónustu, húsnæði, atvinnu og aðgerðir til að gera þeim kleift að taka virkan þátt í vinnumarkaðinum.

Nánar...

18. maí 2017 Skólamál : 100 ára fullveldisafmæli – 1. desember 2018

Þann 1. desember 2018 verða liðin 100 ár frá því Íslendingar fögnuðu fullveldi. Í tilefni af því er gert ráð fyrir hátíðarhöldum víðs vegar um landið allt næsta ár.  Á þingfundi 22. desember 2016 kaus Alþingi, í samræmi við þingályktunartillögu þar um, sjö manna nefnd sem undirbúa á hátíðarhöldin. Meðal þess sem áhersla er lögð á í þingsályktuninni er að skólar verði hvattir til þess að beina sjónum að þeim merku tímamótum sem urðu í íslensku samfélagi með sambandslögunum árið 1918.

Nánar...

18. maí 2017 Skipulags- og byggðamál : Upplýsingaveitur um verkefni Brothættra byggða

Breiddalur

Nú eru í gangi sex verkefni undir hatti Brothættra byggða og fjórir verkefnastjórar sem sinna þeim. Upphaf verkefnisins má rekja til samstarfs Byggðastofnunar og Norðurþings vegna bráðavanda á Raufarhöfn í kjölfar missis aflaheimilda. Frá þeim tíma hefur verkefnið Brothættar byggðir vaxið frá því að vera tilraunaverkefni yfir í að vera verklag sem nýtur fjárheimilda á fjárlögum og nær til verkefna út um land allt.

Nánar...

18. maí 2017 Félagsþjónusta og forvarnamál : Líflegar umræður um Sáttmála SÞ um réttindi fatlaðs fólks

Þriðjudaginn 16. maí, var efnt til málþings undir yfirskriftinni Hvaða þýðingu hefur Sáttmáli SÞ um réttindi fatlaðs fólks fyrir starfsemi og þjónustu sveitarfélaganna?. Málþingið var haldið í samvinnu Sambands íslenskra sveitarfélaga, Öryrkjabandalags Íslands, Landssamtakanna Þroskahjálpar og Rannsóknaseturs í fötlunarfræðum við Háskóla Íslands með styrk frá velferðarráðuneytinu.

Nánar...

10. maí 2017 Skólamál : Úthlutað úr Sprotasjóði

Úthlutað hefur verið úr Sprotasjóði fyrir skólaárið 2017-2018. Alls hlutu 48 verkefni styrk af þeim 119 umsóknum sem bárust. Fjárhæð styrkjanna 48 var tæplega 62 milljónir króna. Að þessu sinni lagði sjóðurinn áherslu á: Móðurmál; Lærdómssamfélag í skólastarfi og Leiðsagnarmat.

Nánar...

10. maí 2017 Skólamál : Styrkleikar íslenska skólakerfisins og tækifærin framundan

Á árlegum vorfundi Grunns, félags fræðslustjóra og stjórnenda á skólaskrifstofum, sem haldinn var á Húsafelli dagana 26.-28. apríl sl. var lögð áhersla á að efla jákvæða umfjöllun um málefni barna og ungmenna og um skólastarf á Íslandi. Rætt  var um styrkleika skólakerfisins sem m.a. liggur í vellíðan nemenda og góðum samskiptum, jöfnuði og breiðu námi í grunnþáttum menntunar.

Nánar...

08. maí 2017 Skipulags- og byggðamál : Skipulag haf- og strandsvæða

Samtök sjávarútvegsfélaga og Samtök sveitarfélaga á Austurlandi standa fyrir málþingi um skipulag haf- og strandsvæða miðvikudaginn 17. maí nk. frá kl. 09:15-12:00, í Þórðarbúð Austurvegi, Reyðarfirði.

Nánar...

05. maí 2017 Skólamál : Úthlutun úr Endurmenntunarsjóði grunnskóla 2017

Stjórn Námsleyfasjóðs, sem fer með málefni Endurmenntunarsjóðs grunnskóla, hefur lokið úthlutun árið 2017. Alls bárust umsóknir um styrki til 191 verkefnis frá 81 umsækjanda upp á tæpar 98 milljón króna. Ákveðið var að veita öllum verkefnum styrki og nam heildarfjárhæð styrkloforða kr. 44.914.000. Bréf með niðurstöðu úthlutunar hafa verið send umsækjendum.

Nánar...

04. maí 2017 Stjórnsýsla : Valur Rafn Halldórsson nýr sviðsstjóri rekstrar- og útgáfusviðs

20170427_152310

Valur Rafn Halldórsson tók við starfi sviðsstjóra rekstrar- og útgáfusviðs þann 1. maí sl. Valur Rafn tekur við starfinu af Magnúsi Karel Hannessyni sem gengt hefur starfi sviðsstjóra frá 9. júlí 2001, en hann lét af störfum fyrir aldurs sakir.

Nánar...
Síða 1 af 10