SKÖR OFAR - Áfanganiðurstöður forverkefnis um framtíðarlausnar til meðhöndlunar brennanlegs úrgangs í stað urðunar
Miðvikudaginn 27. október kl. 12:00-13:00 efnir Samband íslenskra sveitarfélaga og stýrihópur um hátæknibrennslu úrgangs til opins kynningarfundar á Teams. Fundurinn er þriðji fundurinn í kynningarröð forverkefnis um innleiðingu nýrrar framtíðarlausnar til meðhöndlunar á brennanlegum úrgangi í stað urðunar.
Unnið er að því að innleiða hringrásarhagkerfi á Íslandi og að ná settum markmiðum um endurvinnslu. Þrátt fyrir að það takist má búast við að ávallt falli til einhver úrgangur sem hvorki er hæfur til endurnotkunar né endurvinnslu. Á þessum fundi verður farið yfir úttekt á heppilegust tæknilegu útfærslu hátækni sorpbrennslustöðvar, og fyrstu grófu hugmyndir um kostnað við slíkt verkefni.
Tengill inn á fundinn verður sendur til skráðra fundarmanna að morgni fundardags auk þess sem hann verður inn á vefsíðu sambandsins. Fundurinn er öllum opinn en nauðsynlegt er að skrá sig á fundinn hér að neðan.
| 1. | Opnun fundar Guðjón Bragason, sviðsstjóri lögfræði- og velferðarsviðs Sambands íslenskra sveitarfélaga |
| 2. | Technical Solutions for a Waste-to-Energy Plant Nels Toft Rasmussen, sérfræðingur hjá dönsku verkfræðistofunni Cowi |
| 3. | Umræður, spurningar og svör |
| 4. | Verkáætlun forverkefnis, staðan og áframhaldið Helgi Þór Ingason, prófessor og verkefnisstjóri forverkefnis |
| 5. | Fundarslit |
| Fundarstjóri: Guðjón Bragason hjá Sambandi íslenskra sveitarfélaga |