Nýsköpunardagur hins opinbera 2023 fer fram þriðjudaginn 23. maí kl 9-13 í Veröld – hús Vigdísar (Auðarsalur) og í streymi. Þema dagsins er: „Nýsköpun í opinberum sparnaði“
Markmið Nýsköpunardagsins er að stuðla að auknum opinberum innkaupum á nýsköpun með sérstakri áherslu á lausnir sem skapa sparnað í opinberum rekstri.
Sprota- og nýskapandi fyrirtæki verða í aðalhlutverki með kynningum á nýjum og spennandi sparnaðarlausnum ásamt mikilvægum fróðleik um opinber innkaup á nýsköpun.
Í kjölfar kynninga gefst færi á tengslamyndun milli fyrirtækja og opinberra aðila til að ræða leiðir að bættri þjónustu og aukinni skilvirkni í opinberum rekstri.
Dagskrá
- Opnunarávarp
Áslaug Arna Sigurbjörnsdóttir, háskóla- iðnaðar- og nýsköpunarráðherra - Sparnaðarlausnir
20 sprota- og nýsköpunarfyrirtæki - 5 mínútna kynningar - Tengslamyndun og veitingar
Léttar veitingar og kaffi fyrir þá sem mæta snemma og kaffihlé kl 10:15
Nánar á opinbernyskopun.is
