Mennta- og menningarmálaráðuneytið, Samband íslenskra sveitarfélaga, Háskóli Íslands og Kennarasamband Íslands standa fyrir rafrænu menntaspjalli um niðurstöður nýrra kannana og reynslu kennara af leikskólastarfi í samkomubanni síðastliðið vor. Menntaspjallið fer fram fimmtudaginn 24. september og hefst kl. 15:00.
Dagskrá:
Kófið og leikskólinn – hvað gerðist og hvað lærðum við
- Börnin - kveikja: Ingibjörg Ósk Sigurðardóttir
- Leikskólakennarar og starfsmenn - kveikja: Kristín Dýrfjörð
- Leikskólastjórar - kveikja: Arna H. Jónsdóttir
Menntaspjallið verður táknmálstúlkað beint og því mikilvægt að allir nema þeir sem tala hafi slökkt á myndavélum sinum allan tímann.
Menntaspjallið er opið öllum starfsmönnum leikskóla og öðrum áhugasömum um leikskólastarf. Menntaspjall fer fram í gegnum Teams forritið og hægt er að komast inná fundinn með því að smella á tengilinn hér að neðan.
Þátttakendur eru beðnir um að opna ekki fyrir myndavélar sínar og hafa hljóðnema lokaða nema þegar þeir taka til máls. Allir geta skráð athugasemdir, spurningar og tillögur í spjallþræði fundarins á meðan á umræðum stendur.
Menntaspjallinu verður stýrt af Fjólu Þorvaldsdóttur.