Landsþing sambandsins

Landsþing hefur æðsta vald í málefnum Sambands íslenskra sveitarfélaga. Landsþing kemur saman árlega, að jafnaði í mars eða apríl. Á því ári sem almennar sveitarstjórnarkosningar eru haldnar skal landsþing þó haldið í september eða október.

 Kjör landsþingsfulltrúa

Í 4. gr. samþykkta sambandsins er kveðið um fjölda landsþingsfulltrúa og varamenn þeirra, um kjörgengi og tilkynningar um kjör:

 Að afloknum almennum sveitarstjórnarkosningum kjósa hlutaðeigandi sveitarstjórnir fulltrúa á landsþing og gildir sú kosning fyrir kjörtímabil sveitarstjórnar. Um fjölda aðalfulltrúa á landsþingi gildir eftirfarandi:

  1. Sveitarfélag með allt að 1.000 íbúa kýs 1 fulltrúa.
  2. Sveitarfélag með 1.001 til 3.000 íbúa kýs 2 fulltrúa.
  3. Sveitarfélag með 3.001 til 5.000 íbúa kýs 3 fulltrúa.
  4. Sveitarfélag með 5.001 til 10.000 íbúa kýs 4 fulltrúa
  5. Sveitarfélag með fleiri en 10.000 íbúa kýs einn fulltrúa fyrir hvert byrjað tugþúsund íbúa umfram 10.000 til viðbótar hinum fjórum.

Íbúafjöldi samkvæmt þessari grein skal miðaður við 1. janúar á því ári sem almennar sveitarstjórnarkosningar fara fram. Notaðar skulu mannfjöldatölur skv. skráningu Hagstofu Íslands. Verði breyting á sveitarfélagaskipan frá 1. janúar fram til sveitarstjórnarkosninga, skal laga íbúafjöldann að þeirri breytingu.

Varafulltrúar á landsþingi skulu kosnir jafnmargir og aðalfulltrúar. Kosning fulltrúa fer eftir sömu reglum og gilda um kosningu nefnda skv. ákvæðum sveitarstjórnarlaga, annarra en byggðarráðs.

Kjörgengir sem fulltrúar á landsþingi eru nýkjörnir aðalmenn í sveitarstjórnum og varamenn þeirra jafnmargir að tölu, hvort sem varamaður í sveitarstjórn hefur verið kjörinn sérstaklega við óbundnar kosningar eða hann fær kjörbréf vegna setu á framboðslista við bundnar hlutfallskosningar.

Að kosningu lokinni, í síðasta lagi 1. ágúst, sendir sveitarfélagið skrifstofu sambandsins kjörbréf með nöfnum þeirra sem hafa verið kjörnir fulltrúar og varafulltrúar.

 IMG_0746

Myndin að ofan er frá pallborðsumræðum á landsþingi í Reykjavík í mars 2019.

 

 Fundargerðir Dagskrá
Fundargerð aukalandsþings 2019
Dagskrá XXXIV, Reykjavík 2109
Fundargerð XXXIII. landsþings 2019 Dagskrá XXXIII. landsþings, Reykjavík 2019
Fundargerð XXXII. landsþings 2018 Dagskrá XXXII. landsþings, Akureyri 2018
Fundargerð XXXI. landsþings 2017 Dagskrá XXXI. landsþings, Reykjavík 2017
Fundargerð XXX. landsþings 2016 Dagskrá XXX. landsþings, Reykjavík 2016
Fundargerð XXIX. landsþings 2015 Dagskrá XXIX. landsþings, Kópavogur 2015
Fundargerð XXVIII. landsþings 2014 Dagskrá XXVIII. landsþings, Akureyri 2014
Fundargerð XXVII. landsþings 2013 Dagskrá XXVII. landsþings, Reykjavík 2013
Fundargerð XXVI. landsþings 2012 Dagskrá XXVI. landsþings, Reykjavík 2012
Fundargerð XXV. landsþings 2011 Dagskrá XXV. landsþings, Reykjavík 2011
Fundargerð XXIV. landsþings 2010 Dagskrá XXIV. landsþings, Akureyri 2010
Fundargerð XXIII. landsþings 2009 Dagskrá XXIII. landsþings, Reykjavík 2009
Fundargerð XXII. landsþings 2008  
Fundargerð XXI. landsþings 2007  
Fundargerð XX. landsþings 2006  
Fundargerð XIX. landsþings 2005  
Fundargerð XVIII. landsþings 2004  
Fundargerð XVII. landsþings 2002  
Fundargerð XVI. landsþings 1998