Ráðstefna um stafræna framþróun sveitarfélaga fór fram þann 6.október síðastliðinn í Origo höllinni. Upptökur frá ráðstefnunni eru nú aðgengilegar á vef Stafrænna sveitarfélaga.
Þar var áhersla lögð á samstarf, nýstárleg stafræn verkefni hjá sveitarfélögum, ávinning af stafrænum lausnum, tæknilega innviði og samstarf við hugbúnaðarfyrirtæki.
Leitast var við að svara spurningunum:
- Hvernig gerum við meira fyrir minna?
- Hvernig spörum við tíma starfsfólks?
- Hvernig aukum við svigrúm til faglegrar þjónustu og skapandi hugsunar?
- Hvernig leysum við úr læðingi skilvirkni í rekstri, þjónustu og samskiptum?