10. jan. 2013

Málþing um gróðurelda

  • Sinubruni_i_Oslandi_009

Málþing um gróðurelda verður haldið í Hjálmakletti í Borgarbyggð fimmtudaginn 17. janúar. Meðal frummælenda eru Halldór Halldórsson, formaður sambandsins, Ómar Már Jónsson sveitarstjóri Súðavíkurhrepps, Björn Karlsson, forstjóri Mannvirkjastofnunar, Haraldur Benediktsson, formaður Bændasamtaka Íslands og Jón Viðar Matthíasson framkvæmdastjóri Slökkviliðs höfuðborgarsvæðisins.

Á málþinginu verður lögð áhersla á að ræða og miðla upplýsingum um leiðir til að auka viðbúnaðargetu slökkviliða með samstarfi sveitarfélaga og stofnana og skilgreina ábyrgð sveitarfélaga og annarra stjórnvalda.

Fjallað verður um reynsluna af baráttu við gróðurelda, lagt mat á möguleika slökkviliða til að ráða niðurlögum þeirra og rætt um hvaða úrbóta er þörf hvað varðar mönnun slökkviliða, búnað þeirra og fjárhagslega áhættu sveitarfélaga af völdum gróðurelda.

Einnig verður fjallað um aðgerðir til forvarna og áhrif gróðurelda á náttúruna.

Markhópur: Sveitarstjórnir, slökkviliðsstjórar, opinberar stofnanir, skógarbændur, tryggingarfélög, landeigendur og náttúru- og umhverfisverndarsamtök.


Dagskrá og skráning á málþingið