Fréttir og tilkynningar: 2011
Fyrirsagnalisti
Evrópusamtök sveitarfélaga kalla eftir aukinni þátttöku sveitarstjórnarstigsins í ákvörðunartöku á vettvangi ESB
Stefnumótunarnefnd Evrópusamtaka sveitarfélaga (Council of European Municipalities and Regions) (CEMR) fundaði í Brussel 12.-13. desember. Samband íslenskra sveitarfélaga tekur þátt í starfi CEMR sem eru stærstu samtök sveitarstjórnarstigsins í Evrópu.
Hvernig er aðkoma sveitarfélaga og landshluta að evrópskum byggðamálum?
Dagana 21-25. nóvember voru haldnir kynningarfundir um evrópsk byggðamál á Akureyri, Borgarnesi, Ísafirði, Reiðarfirði, í Reykjanesbæ, á Sauðárkróki og Selfossi.
Nánar...Sveitarstjórnarvettvangur EFTA ályktar um almannaþjónustu og orkunýtni
Sveitarstjórnarvettvangur EFTA hélt fjórða fund sinn í Brussel, 14.-15. nóvember sl. Vettvangurinn tók til starfa árið 2010 til að gæta hagsmuna sveitarstjórnarstiganna í EES EFTA löndunum gagnvart ESB. Í honum eiga sæti allt að sex kjörnir fulltrúar á sveitarstjórnarstigi frá Noregi og Íslandi. Samband íslenskra sveitarfélaga, Reykjavíkurborg og landshlutasamtök sveitarfélaga tilnefna fulltrúa af hálfu Íslands.
Nánar...Borgir framtíðarinnar - framkvæmdastjórn ESB birtir áhugaverða skýrslu um stöðu þéttbýlissvæða í Evrópu
Í október birti framkvæmdastjórn ESB áhugaverða skýrslu um framtíð borga í Evrópu. Skýrslan er afrakstur könnunar sem ætlað var að leiða í ljós þær áskoranir sem borgir í Evrópu glíma við á næstu árum, tækifæri til þróunar í þéttbýli í framtíðinni og hlutverk borga í byggðaþróun og framkvæmd Evrópu2020-stefnunnar.
Nánar...Comenius Regio tengslaráðstefna – tenging skólastiga
Landskrifstofa menntaáætlunar ESB stendur fyrir evrópskri tengslaráðstefnu í Reykjavík dagana 2-5 nóvember. Meginmarkmið ráðstefnunnar er að skapa vettvang fyrir skólayfirvöld út um allt land til að finna samstarfsaðila í evrópu til að vinna saman að tveggja landa Comenius regio samstarfi.
Nánar...Frá Brussel til Breiðdalshrepps - upplýsingarit Brussel-skrifstofu, fyrri hluti 2011, er nú komið út
Stefnumótun og löggjöf Evrópusambandsins hefur víðtæk áhrif á íslensk sveitarfélög í gegnum EES-samninginn. Áhrifin ná til flestra málaflokka sveitarfélaga, þó í mismiklum mæli sé. Samband íslenskra sveitarfélaga hefur, með stuðningi Jöfnunarsjóðs sveitarfélaga, starfrækt skrifstofu í Brussel síðan 2006. Skrifstofan annast hagsmunagæslu fyrir íslensk sveitarfélög í Brussel og miðlar upplýsingum um Evrópumál til sveitarfélaga og sambandsins. Upplýsingarit skrifstofunnar um helstu nýmæli hjá ESB og EFTA á fyrri hluta þessa árs sem snerta sveitarfélög er nú komið út.
Nánar...OPEN DAYS; Evrópuvika svæða og borga 10.-13. október - Skráning hafin
Einn helsti viðburður sveitarstjórnarmanna í Evrópu, OPEN DAYS, fer fram í Brussel dagana 10.-13. október nk. Það eru Héraðanefnd (Committee of the Regions) og byggðadeild (DG Regio) Evrópusambandsins sem standa fyrir viðburðinum en hann er nú haldinn í níunda sinn. Á annað hundrað uppákomur; málþing, vinnustofur, sýningar og viðburðir, verða fara fram í samvinnu héraða, borga og sveitarfélaga, atvinnulífsins, alþjóðastofnana og háskólasamfélagsins. Íslensk sveitarfélög hafa tekið þátt í viðburðinum undanfarin ár en að þessu sinni kynnir Þróunarfélag Austurlands verkefni um samgöngur í dreifbýli sem styrkt er af Norðurslóðaáætlun ESB (NPP).
Nánar...Halldór Halldórsson kjörinn forseti sveitarstjórnarvettvangs EFTA
Sveitarstjórnarvettvangur EFTA, sem haldinn var í Hamar í Noregi í lok maí, kaus Halldór Halldórsson, formann sambandsins, forseta vettvangsins næsta árið og tekur hann við af Halvdan Skard formanni norska sveitarfélagasambandsins, KS. Næsti fundur verður væntanlega haldinn í lok nóvember í tengslum við EFTA fundi í Brussel.
Nánar...Sveitarstjórnarvettvangur EFTA ályktar um opinber innkaup og lagskipt stjórnkerfi (e. multilevel governance)
Sveitarstjórnarvettvangur EFTA hélt 3. fund sinn í Hamar, Noregi 31. maí-1. júní sl. Vettvangurinn tók til starfa árið 2010 til að gæta hagsmuna sveitarstjórnarstiganna í EES EFTA löndunum gagnvart ESB. Í honum eiga sæti allt að sex kjörnir fulltrúar á sveitarstjórnarstigi frá Noregi og Íslandi. Samband íslenskra sveitarfélaga, Reykjavíkurborg og landshlutasamtök sveitarfélaga tilnefna fulltrúa af hálfu Íslands. Nánar um sveitarstjórnarvettvanginn.
Nánar...Úrgangsmál á döfinni hjá Evrópusambandinu
Úrgangsreglur Evrópusambandsins eru hluti af EES-samningnum og því ber Íslandi að innleiða tilskipanir ESB þegar þær hafa verið teknar inn í samninginn. Meðhöndlun úrgangs er að stórum hluta á ábyrgð sveitarfélaga og því er brýnt að fylgjast vel með úrgangsmálum á döfinni hjá ESB.
Nánar...- Fyrri síða
- Næsta síða