Sameining sveitarfélaganna Stykkishólmsbæjar og Helgafellssveitar annars vegar, og Langanesbyggðar og Svalbarðshrepps hins vegar, samþykktu sameiningu í kosningum sem fram fóru 26. mars sl.
Það er því ljóst að sveitarfélögum mun fækka um a.m.k. 4 og verða ekki fleiri en 64 þegar kosið verður til sveitarstjórna um miðjan maí nk.
Stykkishólmur og Helgafellssveit
Íbúar í Helgafellssveit og Stykkishólmsbæ samþykktu sameiningartillöguna með afgerandi hætti. Tæplega 92% íbúa í Stykkishólmi samþykktu tillöguna, meðan tæplega 79% íbúa í Helgafellssveit sögðu já.
Í næstu viku hefst undirbúningur og innleiðing sameiningartillögunnar, en íbúar munu kjósa nýja sveitarstjórn í sameinað sveitarfélag þann 14. maí næstkomandi.
| Helgafellssveit | Hlutföll | Stykkishólmsbær | Hlutföll | |
| Já | 41 | 78,8% | 422 | 91,7% |
| Nei | 9 | 17,3% | 34 | 7,4% |
| Auðir og ógildir | 2 | 3,8% | 4 | 0,9% |
| Greidd atkvæði | 52 | 100,0% | 460 | 100,0% |
| Á kjörskrá | 56 | 837 | ||
| Kjörsókn | 92,9% | 55,0% |
Langanesbyggð og Svalbarðshreppur
Tillaga að sameiningu Langanesbyggðar og Svalbarðshrepps var samþykkt.. Í Langanesbyggð kusu 204 af 344 sem voru á kjörskrá eða 59,3%. Já sögðu 148 eða 73% en nei sögðu 53 eða 26% og 3 seðlar voru auðir eða 1%.
Í Svalbarðshreppi voru 70 á kjörskrá og af þeim kustu 52 eða 74%. Já sögðu 35 eða 67% og nei sögðu 17 eða 33%.