14. jan. 2020

Stefna sambandsins um samfélagslega ábyrgð

Á fundi stjórnar sambandsins í nóvember 2019 var samþykkt Stefna Sambands íslenskra sveitarfélaga um samfélagslega ábyrgð. Í stefnunni er að finna markmið sambandsins og aðgerðaráætlun um samfélagslega ábyrgð fyrir árin 2019-2022.

Stefnunni er skipt upp í tíu liði. Þrír fyrstu töluliðir stefnunnar varða þjónustu sambandsins við sveitarfélögin en seinni sjö töluliðirnir varða starfsemi og rekstur sambandsins.

Með útgáfu stefnunnar vill Samband íslenskra sveitarfélaga sýna samfélagslega ábyrgð í starfsemi sinni, við ákvarðanatöku og ráðgjöf og vera til fyrirmyndar í málefnum sjálfbærrar þróunar og loftslags. Einnig að skapa vettvang fyrir sveitarfélögin til að læra hvert af öðru og auka þekkingu og hæfni til að takast á við áskoranir á sviði loftslagsmála og sjálfbærrar þróunar.

· Stefna Sambands íslenskra sveitarfélaga um samfélagslega ábyrgð