13. jan. 2015

Skapandi þjónusta forsenda velferðar

  • Hugmyndir

Föstudaginn 23. janúar nk. verður haldinn hádegisverðarfundur um nýsköpun í opinberri þjónustu og stjórnsýslu á Grand Hóteli í Reykjavík. Fyrirsögn ráðstefnunnar er Skapandi þjónusta forsenda velferðar; Samvinna – Hönnun – Þekking.

Bjarni Benediktsson, fjármála- og efnahagsráðherra, setur fundinn en aðal fyrirlesari er Nikolaj Lubanski framkvæmdastjóri hjá Copenhagen Capacity og mun hann ræða um þróun nýsköpunarmála í opinbera geiranum á Norðurlöndum. 

Fundurinn hefst kl. 11:45 og áformað er að honum ljúki kl. 14:00. Fundarstjóri verður Borghildur Erlingsdóttir, forstjóri Einkaleyfastofu og formaður Félags forstöðumanna ríkisstofnana.

Þátttökugjald á fundinum er 5.600 krónur og fer skráning fram á vef Stofnunar stjórnsýslufræða og stjórnmála við HÍ.

Fundurinn er á vegum Sambands íslenskra sveitarfélaga, fjármála- og efnahagsráðuneytisins, Félags forstöðumanna ríkisstofnana, Rannís, Nýsköpunarmiðstöðvar Íslands og Stofnunar stjórnsýslufræða og stjórnmála við Háskóla Íslands.

Dagskrá fundarins.