13. nóv. 2012

Ferðamálaþing 2012 – hugsaðu þér stað!

  • Trompetleikari_litil

„Hugsaðu þér stað!“ er yfirskrift ferðamálaþings 2012 sem Ferðamálastofa efnir til föstudaginn 23. nóvember. Þingið er haldið í Hörpu, Kaldalóni, kl 13-17.

Þingið er að þessu sinni helgað mikilvægi heildasýnar við uppbyggingu áfangastaða. Það hefst með ávarpi ráðherra ferðamála, Steingríms J. Sigfússonar og í lokin verða umhverfisverðlaun Ferðamálastofu afhent. Þingstjóri er Sigrún Björk Jakobsdóttir, hótelstjóri Icelandair Hótel Akureyri. Þeir sem eiga lengra að sækja geta fylgst með ráðstefnunni í beinni útsendingu á Netinu.

Meðal frummælenda er Hjalti Þór Vignisson, bæjarstjóri í Sveitarfélaginu Hornafirði, og fjallar hann um mikilvægi ferðaþjónustu fyrir sveitarfélög.

Sent út á netinu
Þeir sem eiga lengra að sækja geta fylgst með ráðstefnunni í beinni útsendingu á Netinu. Leiðbeiningar til að tengjast eru hér að neðan. Athugið að þau sem ætla að fylgjast með á Netinu þurfa ekki að skrá sig sérstaklega á ráðstefnuna.

  1. Uppsetning á nýjustu útgáfu Java:
    Til að byrja með er nauðsynlegt að tryggja að tölvan sé með nýjustu útgáfu af Java forritinu (er á öllum tölvum en ekki víst að þið séuð með það nýjasta). Þannig að best er að byrja á að fara inn á www.java.com, hlaða þar niður nýjustu útgáfu (áberandi hnappur á miðjum skjánum) og setja upp. Þetta getur tekið nokkrar mínútur.
  2. Tengjast fundinum:
    Til að tengjast fundinum er farið inn á þessa vefslóð sem verður virk skömmu áður en ráðstefnan hefst:
    https://fundur.thekking.is/startcenter/Join.xhtml?sinr=846782774&sipw=nv64
    Athugið að samþykkja þau skilaboð sem upp koma en í flestum tilfellum kemur tvívegis upp gluggi þar sem smellt er á „run“. Eftir það á fundur að hefjast.

Dagskrá og nánari upplýsingar er að finna á vefsíðu Ferðamálastofu.