10. apr. 2017

Meirihluti landsþingsfulltrúa vill lágmarksíbúafjölda í sveitarstjórnarlögin

Á XXXI. landsþingi Sambands íslenskra sveitarfélaga, sem haldið var 24. mars sl. var lögð fram skoðanakönnun um ýmis mál fyrir landsþingsfulltrúa. M.a. var spurt hvort sambandið ætti að leggja til ákvæði um lágmarksíbúafjölda varðandi stærð sveitarfélaga í sveitarstjórnarlögin og hver þau mörk ættu að vera ef svarið við fyrri spurningunni væri já. 

Rúmlega 63% landsþingsgesta, sem tóku þátt í könnuninni, telja að sambandið eigi að leggja til að slíkt ákvæði verði sett inn í sveitarstjórnarlögin. Þriðjungur svarenda taldi hins vegar að sambandið ætti ekki að leggja það til. Fimm einstaklingar vildu ekki svara spurningunni eða merktu við valkostinn „veit ekki“. Alls svöruðu 136 einstaklingar könnuninni.

Fyrirkomulag könnunarinnar var með þeim hætti að landsþingsfulltrúar með atkvæðisrétt og áheyrnarfulltrúar, sem höfðu málfrelsi og tillögurétt á fundinum, fengu blað með tveimur spurningum og voru þeir  beðnir um að svara þeim, brjóta blaðið saman og afhenda starfsmönnum þingsins.

Seinni spurningin sneri að því hver lágmarksíbúafjöldinni ætti að vera ef slíkt ákvæði kæmi inn. Alls voru gefnir upp níu valkostir ásamt svarreitnum annað. Flestir eða 20 einstaklingar töldu að lágmarkið ætti að vera 3.000 íbúar og þar á eftir kom valmöguleikinn 1.000 íbúar.

Lagmarksibuafjoldi