Fréttir og tilkynningar: 2018

Fyrirsagnalisti

16. nóv. 2018 : Áfangastaðaáætlanir allra landshluta kynntar

Áfangastaðaáætlanir landshlutanna voru kynntar á fjölsóttum kynningarfundi í gær, en verkefnið er það umfangsmesta sem unnið hefur verið á grundvelli Vegvísis í ferðaþjónustu. Aldís Hafsteinsdóttir, formaður Sambands íslenskra sveitarfélaga, hvetur sveitarfélög eindregið til þess að kynna sér áætlanirnar. Mikilvægt sé að þær nýtist sveitarfélögum og landshlutum til uppbyggingar. 

Nánar...

14. nóv. 2018 : Frestur vegna jafnlaunavottunar framlengdur um ár

Fresturinn hefur verið framlengdur til 31. desember 2019. Tekur til allra fyrirtækja og stofnana, óháð stærð þeirra, að þeim aðilum undanskildum sem eru að hálfu eða að meirihluta í eigu ríkisins og með 25 starfsmenn eða fleiri að jafnaði á ársgrundvelli.

Nánar...

13. nóv. 2018 : Áfangastaðaáætlanir landsins kynntar

Ferðamálastofa gengst fyrir kynningu á  öllum sjö áfangastaðaáætlunum landsins á Hótel Sögu þann 15. nóvember nk. kl. 13:00-16:00.

Nánar...

02. nóv. 2018 : Sveitarfélögin og drög að aðgerðaáætlun í plastmálefnum

Kallað er eftir beinum aðgerðum á vegum sveitarfélaga í fimm af þeim 18 tillögum sem lagðar eru til í drögum samráðsvettvangs umhverfis- og auðlindaráðherra um aðgerðaáætlun í plastmálefnum. Aðgerðirnar varða allt frá grænum innkaupum að skólphreinsun og flokkun úrgangs. 

Nánar...

01. nóv. 2018 : Standa verður rétt að framsali ráðningarvalds

Umboðsmaður Alþingis beinir því til sveitarfélaga, að standa verði rétt að valdaframsali vegna starfsmannaráðninga. Umboðsmaður hefur birt almenna samantekt á þeim lagaatriðum og sjónarmiðum sem sveitarfélög þurfa að hafa í huga svo að ráðning starfsfólks fari að lögum.

Nánar...

31. okt. 2018 : Kynningarherferð Persónuverndar

Persónuvernd stendur fyrir kynningarherferð um landið vegna nýju persónuverndarlöggjafarinnar. Fundaröðin hefst á Akureyri í dag og lýkur í Reykjavík þann 26.nóvember nk. 

Nánar...

29. okt. 2018 : Nýsköpunarkönnun 2018

Fjármála- og efnahagsráðuneytið og Samband íslenskra sveitarfélaga standa fyrir nýsköpunarkönnuninni 2018, samnorrænni könnun sem er bæði ætlað að kortleggja nýsköpun hjá hinu opinbera og efla. Könnunin er hluti af Nýsköpunarvoginni, samnorrænni könnun sem ætlað er að kortleggja nýsköpun hjá hinu opinbera og um leið efla nýsköpun. 

Nánar...

25. okt. 2018 : Misskilningur um gildissvið nýrra persónuverndarlaga innan skólasamfélagsins

Persónuvernd hefur vakið athygli á misskilningi, sem gætt hefur í innleiðingu leik- og grunnskóla á nýjum  persónuverndarlögum, í ábendingu sem stofnunin hefur sent frá sér. Samband íslenskra sveitarfélaga fagnar frumkvæði Persónuverndar í málinu. Um mikilvægar leiðbeiningar til skóla og sveitarfélaga sé að ræða, en lítill sem enginn aðlögunartími hafi verið gefinn vegna gildistöku löggjafarinnar.

Nánar...

04. okt. 2018 : Tvöföld lögheimilisskráning barna

Samband íslenskra sveitarfélaga hefur sent frá umsögn um frumvarp sem heimilar lögheimilisskráningu barna hjá báðum foreldrum. Er í umsögninni áréttuð sú afstaða að sambandið hefur í sambærilegum málum lagst gegn slíkum skráningum og fremur talað fyrir skiptri búsetu barna til að jafna stöðu foreldra.

Nánar...

21. sep. 2018 : Yfirlit yfir lögmælt verkefni sveitarfélaga er komið út

Samgöngu- og sveitarstjórnarráðuneytið hefur gefið út yfirlit yfir lögmælt verkefni sveitarfélaga. Yfirlitinu er ætlað sveitarfélögum til leiðbeiningar við stefnumótun og áætlanagerð, en einnig mun það nýtast ráðuneytinu vegna áætlanagerðar sem því er nú ætlað að sinna vegna málefna sveitarstjórnarstigsins.

Nánar...
Síða 1 af 5