Föstudaginn 17. september kl. 13:00-14:00 efnir Samband íslenskra sveitarfélaga og stýrihópur um hátæknibrennslu úrgangs til annars kynningarfundar á Teams.
Skör ofar - Áfanganiðurstöður framtíðarlausnar til meðhöndlunar brennanlegs úrgangs í stað urðunar
Fundurinn er annar fundurinn í kynningarröð forverkefnis um innleiðingu nýrrar framtíðarlausnar til meðhöndlunar á brennanlegum úrgangi í stað urðunar.
Unnið er að því að innleiða hringrásarhagkerfi á Íslandi og að ná settum markmiðum um endurvinnslu. Þrátt fyrir að það takist má búast við að ávallt falli til einhver úrgangur sem hvorki er hæfur til endurnotkunar né endurvinnslu. Á þessum fundi verður farið yfir áætlun um magn úrgangsstrauma til brennslu, forsendur áætlunarinnar og helstu fyrirvara.
Nauðsynlegt er að skrá sig á fundinn hér fyrir neðan en tengill inn á fundinn verður sendur til fundarmanna að morgni fundardags auk þess sem hann verður settur hér inn á síðuna.
| Opnun fundar Guðjón Bragason, sviðsstjóri lögfræði- og velferðarsviðs sambandsins |
| Verkáætlun forverkefnis, staðan og áframhaldið Helgi Þór Ingason, prófessor og verkefnisstjóri forverkefnis |
| Hátæknibrennslustöð á Íslandi 2030 – Hverju þarf að brenna? Stefán Gíslason, umhverfisstjórnunarfræðingur hjá Environice |
| Umræður, spurningar og svör |
| Fundarslit |