18. apr. 2018

Verðlaun fyrir meistaraverkefni í kennslu- og tómstundafræðum

Skóla- og frístundaráð Reykjavíkurborgar hefur ákveðið að veita verðlaun fyrir allt að tólf meistaraverkefni í leikskólakennara-, grunnskólakennara- og tómstundafræðum á árinu 2018. Verkefnin þurfa að vera unnin á vettvangi skóla- og frístundastarfs í borginni og hafa hagnýtt gildi fyrir framþróun í formlegu og óformlegu námi barna og unglinga.

Verðlaun fyrir hvert verkefni nemur 250.000 kr.

Meistaranemar sem vilja koma til álita þurfa að skila inn verkefni sínu fyrir 10. júní 2018 ásamt rökstuðningi fyrir hagnýtu gildi verkefnisins og umsögn prófdómara. Eingöngu koma til álita meistaraverkefni sem skilað var inn til á tímabilinu 1. júní 2017 til 31.maí 2018. Öll gögn skal senda á netfangið sfs@reykjavik.is merkt Viðurkenning fyrir meistaraverkefni.

Markmið verðlaunanna er að auka hagnýtingu rannsókna í fagstarfi með börnum og unglingum í borginni, vekja athygli á skóla- og frístundastarfi í borginni og hvetja meistaranema til að gera Reykjavík að vettvangi rannsókna, náms og starfs.