Fréttir og tilkynningar: 2013

Fyrirsagnalisti

11. des. 2013 : Skýrsla um Skólaþing sveitarfélaga 2013 komin út

Skolathing

Skólaþing sveitarfélaga fór fram 4. nóvember 2013 á Hilton Reykjavík Nordica hóteli. Skýrsla skólaþingsins er komin út. Þar gefur að líta helstu niðurstöður umræðuhópa sem störfuðu fyrir hádegi auk mats þátttakenda á þinginu, umgjörð þess, áherslum o.fl. Þær niðurstöður mun sambandið hafa til hliðsjónar m.a. við mótun samningastefnu sambandsins í kjaraviðræðum við kennara og  stefnumörkunar í skólamálum fyrir næsta kjörtímabil.

Nánar...

06. des. 2013 : Úthlutun námsleyfa vegna skólaársins 2014-2015

pusl

Úthlutun námsleyfa vegna skólaársins 2014-2015 er lokið. Alls bárust Námsleyfasjóði 185 umsóknir um námsleyfi skólaárið 2014-2015, þar af voru 162 fullgildar. Fjármagn til úthlutunar leyfði að veitt væru 32 námsleyfi. Aðeins var hægt að verða við um 20% þeirra beiðna sem fyrir lágu og því ljóst að ýmsum fullgildum og áhugaverðum umsóknum varð að hafna.

Nánar...

20. nóv. 2013 : Skólaskýrsla 2013 á rafrænu formi

Skolaskyrsla2013

Skólaskýrsla 2013 er komin út á rafrænu formi. Markmið með skýrslunni er að birta tölulegar upplýsingar um skólamál og gera þær aðgengilegar. Í skýrslunni er bæði fjallað um leikskóla og grunnskóla og er þar að finna ýmsar magntölur yfir nemendur, skóla, starfsfólk og rekstrarkostnað. Í höfuðdráttum er gerð grein fyrir starfsemi hvors skólastigs um sig árið 2012 og að auki birtar upplýsingar aftur í tímann eins og kostur er. Tölulegar upplýsingar ná til málaflokkanna á landsvísu en einnig er þeim gerð skil eftir landshlutum og eru að nokkru leyti flokkaðar eftir íbúafjölda sveitarfélaga.

Nánar...

05. nóv. 2013 : Það vantar 1300 leikskólakennara

Ingvar

„Það vantar 1300 leikskólakennara í landinu ef uppfylla á skilyrði laga um að lágmarki 2/3 hlutar stöðugilda við uppeldi umönnun og kennslu í hverjum grunnskóla teljist til stöðugilda leikskólakennara. Í vor munu að líkindum brautskrást ellefu leikskólakennarar; fimm frá Háskóla Íslands og sex frá Háskólanum á Akureyri.“ Þetta kom fram í erindi Ingvars Sigurgeirssonar, prófessors við Menntavísindasvið Háskóla Íslands á Skólaþingi sveitarfélaga sem haldið var í Reykjavík í gær.

Nánar...

05. nóv. 2013 : Fresta á innleiðingu nýs námsmatskerfis

Illugi

Skólaþing sveitarfélaga 2013 fór fram í gær, mánudaginn 4. nóvember. Á þinginu flutti Illugi Gunnarsson, mennta- og menningarmálaráðherra, erindi þar sem hann upplýsti að hann hygðist fresta innleiðingu nýs námsmatskerfis aðalnámskrár grunnskóla til ársins 2016. Skóalstjórnendur, fræðslustjórar sveitarfélaga og fleiri höfðu áður lýst yfir efasemdum og áhyggjum af því að innleiðingu námsmatshlutans væri ekki ætlaður nægur tími. Samkvæmt nýja námsmatskerfinu  munu grunnskólanemendur fá einkunnir í bókstöfum frá A og niður í D.

Nánar...

04. nóv. 2013 : Skólaþing sveitarfélaga stendur nú yfir í Reykjavík

Skolathing

Skólaþing sveitarfélaga fer nú fram á Hilton Reykjavík Nordica hótelinu í Reykjavík. Fyrir hádegi var sjónum beint til Danmerkur, en formaður danska skólastjórafélagsins, Anders Balle, upplýsti þinggesti um þær umfangsmiklu breytingar sem danski grunnskólinn er að ganga í gegnum, þ.m.t. á vinnutímaskipulagi kennara, í kjölfar nýrrar menntastefnu stjórnvalda og verkbanns á kennslu sl. vor sem leiddi loks til lagasetningar.

Nánar...

17. okt. 2013 : Könnun meðal sveitarstjóra á fyrirkomulagi og framkvæmd sérfræðiþjónustu í leik- og grunnskólum

SIS_Skolamal_760x640

Mennta- og menningarmálaráðuneytið fékk Capacent Gallup ehf. fyrr á þessu ári til þess að framkvæma könnun meðal sveitarstjóra um fyrirkomulag og framkvæmd sérfræðiþjónustu við leik- og grunnskóla með tilvísun til reglugerðar nr. 584/2010.

Nánar...

07. okt. 2013 : Skráning hafin á Skólaþing sveitarfélaga 2013

skoli

Skráning er hafin á Skólaþing sveitarfélaga 2013 en það verður haldið á Hilton Nordica hóteli mánudaginn 4. nóvember nk. Halldór Halldórsson, formaður Sambands íslenskra sveitarfélaga, setur skólaþingið en meðal fyrirlesara má nefna Anders Balle, formann danska skólastjórafélagsins, Illuga Gunnarsson, mennta- og menningarmálaráðherra og Ingvar Sigurgeirsson, prófessor við menntavísindasvið Háskóla Íslands.

Nánar...

07. okt. 2013 : Skólaskýrsla 2013

Skolaskyrsla2013

Skólaskýrsla 2013 er komin út. Markmið með skýrslunni er að birta tölulegar upplýsingar um skólamál og gera þær aðgengilegar. Í skýrslunni er bæði fjallað um leikskóla og grunnskóla og er þar að finna ýmsar magntölur yfir nemendur, skóla, starfsfólk og rekstrarkostnað. Í höfuðdráttum er gerð grein fyrir starfsemi hvors skólastigs um sig árið 2012 og að auki birtar upplýsingar aftur í tímann eins og kostur er.

Nánar...

30. ágú. 2013 : Námsleyfi grunnskólakennara og skólastjórnenda 2014-2015

SIS_Lydraedi_mannrettindi_760x640

Námsleyfasjóður hefur opnað fyrir umsóknir um námsleyfi grunnskólakennara og stjórnenda grunnskóla skólaárið 2014–2015. Umsækjendum er gert að skila inn umsóknum á rafrænu formi. Umsóknarfrestur er til og með 1. október 2013.

Nánar...
Síða 1 af 4