Samband íslenskra sveitarfélaga vekur athygli á að opið er fyrir tilnefningar til Foreldraverðlaunanna 2022.
Foreldraverðlaunin eru veitt fyrir öflugt foreldrastarf eða verkefni sem sérstaklega stuðla að góðu samstarfi heimila og skóla. Einnig er hægt að tilnefna einstaklinga sem Dugnaðarforka Heimilis og skóla.
Ef þú veist af verkefnum í þínu nærumhverfi sem stuðlað hafa að góðu foreldrasamstarfi, bættum tengslum heimila og skóla og velferð nemenda eða einstaklingi sem hefur lagt sérlega mikið af mörkum í þágu nemenda og foreldra, þá hvetjum við þig til að tilnefna viðkomandi aðila eða verkefni.
Verðug verkefni á öllum skólastigum eiga hrós skilið, þ.e. í leikskóla, grunnskóla og framhaldsskóla. Við minnum á að engin verkefni eru of lítil.
Tilnefningaform er á vefsíðu Heimilis og skóla, www.heimiliogskoli.is
Mikilvægt er að vanda rökstuðning við tilnefninguna. Frestur til tilnefninga er til og með 10. maí næstkomandi.