Fenúr – fagráð um endurnýtingu og úrgang hefur unnið að þýðingu og staðfæringu á nýju og samræmdu norrænu merkingakerfi fyrir úrgang. Samræmt, einfalt og gott merkingakerfi er mikilvægt til að stuðla að betri flokkun og styður við bætta úrgangsstjórnun á Íslandi. Mikilvægur hlekkur í hringrásarhagkerfinu.
Guðmundur Ingi Guðbrandsson, umhverfis- og auðlindaráðherra, tók við fyrstu merkjunum ásamt handbók með leiðbeiningum um notkun. Merkingarnar byggja á dönskum úrgangsmerkingum og norrænu samstarfi um samræmdar merkingar í úrgangsmálum. Umhverfis- og auðlindaráðuneytið styrkti verkefnið.
Nánari upplýsingar og viðtal veitir Eygerður, Margrétardóttir, formaður Fenúr, í síma 693-2302 eða í gegnum netfangið fenur@fenur.is
Nánar á www.fenur.is