25. jan. 2011

Námskeið um skipulagsmál fyrir kjörna fulltrúa

  • Frá fundi um skipulagsmál

Samband íslenskra sveitarfélaga í samvinnu við Skipulagsstofnun efnir til námskeiðs um skipuilagsmál fyrir kjörna fulltrúa þann 1. febrúar nk. Námskeiðið verður haldið í Ketilhúsinu á Akureyri en samskonar námskeið var haldið í Reykjavík þann 20. janúar sl.

Skipulag er eitt af stóru viðfangsefnum sveitarfélaga og sem getur haft áhrif á efnahag þess og gæði umhverfis til langrar framtíðar. Skipulag er því mikilvægt stjórntæki hvað varðar lífsgæði íbúa og sjálfbæra þróun. Kjörnir fulltrúar í sveitarstjórnum og skipulagsnefndum bera ábyrgð á ákvörðunum sem teknar eru með skipulagi og framfylgd þeirra ákvarðana. Skipulagsstofnun og Samband íslenskra sveitarfélaga hafa ákveðið að halda námskeið um ábyrgð og hlutverk kjörinna fulltrúa í skipulagsmálum. Jafnframt verður farið yfir helstu nýmæli nýrra skipulagslaga nr.123/2010 og laga um mannvirki nr. 160/2010.


Staðsetning
Námskeiðið verður haldið í Ketilhúsinu, Akureyri þann 1. febrúar n.k. milli kl. 10 - 16.  

Námskeiðsgjald er kr. 8.000 fyrir fyrsta mann frá sveitarfélagi og kr. 5.000 fyrir alla aðra frá sama sveitarfélagi.
Hádegisverður, kaffi og meðlæti er innifalið í námskeiðsgjaldi.

Hér má nálgast dagskrá námskeiðsins.
Vinsamlegast skráið ykkur á vef Skipulagsstofnunar í síðasta lagi mánudaginn 31. janúar.