22. okt. 2019

Morgunfundur um vindorku og landslag 29. október nk.

Skipulagsstofnun og verkefnisstjórn rammaáætlunar standa, í samvinnu við Samband íslenskra sveitarfélaga, fyrir morgunfundi um vindorku og landslag 29. október kl. 8:30-10:30. Um er að ræða fyrsta fundinn í morgunfundaröð Skipulagsstofnunar um landsskipulagsstefnu, en stofnunin vinnur nú að tillögu til umhverfis- og auðlindaráðherra að viðauka við gildandi landsskipulagsstefnu þar sem lögð verður áhersla á þrjú viðfangsefni: loftslag, landslag og lýðheilsu.

Fundurinn verður haldinn í húsakynnum Skipulagsstofnunar í Borgartúni 7b og verður honum streymt á Facebook-síðu Skipulagsstofnunar. Húsið opnar kl. 8:00 og dagskráin hefst kl. 8:30. Óskað er eftir skráningum á fundinn hér.

Dagskrá

08:00

Húsið opnar - heitt á könnunni

08:30

Vindorka og landsskipulagsstefna
Ásdís Hlökk Theodórsdóttir, forstjóri Skipulagsstofnunar

  Vindorka og rammaáætlun

Guðrún Pétursdóttir, formaður verkefnisstjórnar rammaáætlunar

 

Viðmið fyrir vindorkunýtingu með tilliti til landslags – fyrirmyndir frá Skotlandi og Noregi
Matthildur Kr. Elmarsdóttir, Alta

   Umhverfisáhrif vindorkuvera

Auður Önnu Magnúsdóttir, Landvernd

 

Sjónarmið orkufyrirtækja
Sigurjón Kjærnested, Samorka

 

Landslagsflokkun Íslands
Ólafur Árnason, EFLA

 

Umræður