FENÚR, fagráð um endurvinnslu og úrgangs, býður til fundar um bætta úrgangsstjórnun á Íslandi miðvikudaginn 11. nóvember kl. 13:00 og stendur fundurinn til kl. 14:30. Fundurinn kallast Merkilegar merkingar– komum á samræmdum merkingum í úrgangsmálum!
Á fundinum mun félagið leggja fram sínar tillögur að nýjum valfrjálsum samræmdum merkingum fyrir flokkun úrgangs. Verkefnið byggir á dönskum úrgangsmerkingum og norrænu samstarfi um samræmdar merkingar í úrgangsmálum. Markmið þess er að styðja við bætta úrgangsstjórnun á landinu. Samræmdar merkingar í úrgangsmálum er verkefni sem hefur hlotið styrk frá Umhverfis- og auðlindaráðuneytinu. Aðeins félagar í Fenúr sem greitt hafa félagsgjöld geta setið fundinn og skráning fer fram á fenur@fenur.is.
Dagskrá
- Ávarp,
Guðmundur Ingi Guðbrandsson, umhverfis- og auðlindaráðherra - A joint Nordic pictogramsystem under way,
Anna-Carin Gripwall, Head of Communication Avfall Sverige - Tillögur að íslenskri útgáfu af samræmdum norrænum úrgangsmerkingum,
Eygerður Margrétardóttir, formaður FENÚR og verkefnisstjóri hjá Sambandi íslenskra sveitarfélaga - Fyrirspurnir og umræður
- Fundarslit
Fundarstjóri er Gunnar Dofri Ólafsson, sérfræðingur í samskiptum og samfélagsvirkni hjá SORPU bs.