10. maí 2019

Samstarfsvettvangur norrænna sveitarfélaga í málefnum flóttamanna og hælisleitenda

Samnorrænn samstarfsvettvangur sveitarfélaga í málefnum flóttamanna og hælisleitanda (Nordisk integrationsnetværk), fundaði nýlega hér á landi. Aðild eiga auk sambandsins KL í Danmörku, SKL í Svíþjóð, KS í Noregi og Kuntaliitto í Finnlandi.

Á meðal þess sem fjallað var um var samráð á milli ríkis og sveitarfélaga í málefnum flóttamanna og hælisleitenda, rekstur móttökumiðstöðva, aðlögunarmál s.s. að vinnumarkaði, menntamál og nýsköpun hjá því opinbera á þessu sviði, svo að dæmi séu nefnd

Þá var fulltrúum samstarfsvettvangsins boðið í kynnisferð til Reykjanesbæjar, þar sem Hilma Hólmfríður Sigurðardóttir, verkefnisstjóri fjölmenningarmála, tók á móti hópnum. Þar tók svo við dagskrá með kynningum, fyrirlestrum og heimsóknum til stofnana Reykjanesbæjar.

Samnorræni samstarfsvettvangurinn í málefnum flóttamanna og hælisleitenda kemur saman til fundar á reglubundnum grunni og skiptast aðildarlöndin á gestgjafahlutverkinu.

Anna Guðrún Björnsdóttir, sviðsstjóri, er tengiliður vettvangsins hér á landi.