Fréttir og tilkynningar

Fyrirsagnalisti

10. sep. 2018 : Hefðbundið meirihlutamynstur á undanhaldi

Svíar kusu til sveitar- og héraðsstjórna í gær samhliða kosningum til riksdagen, sænska löggjafarþingsins. Helstu niðurstöður eru þær, að meirihlutasamstarf féll í meirihlutanum af þeim sveitarstjórna-, landsþings- og svæðisstjórnakosningum sem fóru fram. Þá dregur úr trausti kjósenda til stjórnmála, enda þótt kosningaþátttaka hafi aukist frá síðustu kosningum, árið 2014.

Nánar...

03. sep. 2018 : Lýsa - rokkhátíð samtalsins

Katrín Jakobsdóttir, forsætisráðherra og Ólafur Stefánsson, handboltahetja, setja í sameiningu LÝSU, tveggja daga samtalshátíð sem fram fer í Hofi, Akureyri, dagana 7. og 8. september. Á meðal upphafsviðburða má nefna samtal Norræna félagsins um áhrif metoo-byltingarinnar á hagkerfi og hagvöxt, en hátíðinni lýkur á laugadag með diskósúpu, sem Saga Garðarsdóttir matbýr í samstarfi við gesti hátíðarinnar við ljúfan undirleik Jónasar Sig.

Nánar...

28. ágú. 2018 : Krefst viðhorfsbreytingar í íþrótta- og æskulýðsstarfi

Mikilvægt er að stjórnvöld knýi fram viðhorfsbreytingu gagnvart kynferðislegri áreitni og ofbeldishegðun í öllu íþrótta- og æskulýðsstarfi, að mati starfshóps sem mennta- og menningarmálaráðherra skipaði í kjöfar #metoo aðgerða íþróttakvenna. Ofbeldishegðun er ólíðandi í öllu íþrótta- og æskulýðsstarfi og forgangsmál er að öryggi iðkenda og annarra þátttakenda sé hafið yfir vafa. Mennta- og menningarmálaráðuneytið leitar samstarfi við sveitarfélög um framkvæmd á tillögum starfshópsins.

Nánar...

13. jún. 2018 : Starfseminni skipt niður á báða staði

Sameinað sveitarfélag Garðs og Sandgerðisbæjar hefur nú tekið til starfa og hefur starfseminni verið skipt niður á báða staði, eins og ákveðið var. Stjórnsýsla, fjármál og umhverfis-, skipulags- og byggingamál eru í stjórnsýsluhúsinu í Garði, en félagsþjónusta og fjölskyldumál í stjórnsýluhúsinu í Sandgerði.

Nánar...

13. jún. 2018 : Hlutur kvenna hefur aldrei verið meiri

Nærri einn af hverjum tveimur sveitarstjórnarmönnum er kona og hefur hlutur kvenna aldrei verið meiri í sveitarstjórnum en nú eða 47,2% Til samanburðar má nefna að hlutfall kvenna var að sveitarstjórnakosningum afloknum árið 1998 einungis 28,2% og hefur hlutfall þeirra því nánast tvöfaldast á sl. 20 árum.

Nánar...

28. maí 2018 : Sveitarstjórnum og kjörnum fulltrúum fækkar

Nýkjörnar sveitarstjórnir munu um land allt taka til starfa 15 dögum eftir kjördag og við það munu samtals 502 fulltrúar taka sæti í þeim 72 sveitarfélögum sem eru við lýði í landinu. Að síðustu sveitarstjórnarkosningum loknum tóku 504 fulltrúar sæti í 74 sveitarfélögum og hefur því bæði kjörnum fulltrúum og sveitarstjórnum fækkað frá því sem var.

Nánar...

23. maí 2018 : Sögulegar og stórfróðlegar hagtölur

Hagstofa Íslands hefur í tilefni af 100 ára fullveldisafmælinu veitt aðgang að sögulegu talnaefni í samfelldum tímaröðum. Kosningaþátttaka frá árinu 1938 og frambjóðendur og kjörnir fulltrúar í sveitarstjórnarkosningum frá árinu 1950 er á meðal þess efnis sem tengist sveitarstjórnarstiginu.

Nánar...

18. maí 2018 : Úrbóta krafist vegna framkvæmdar á atkvæðagreiðslu utan kjörfundar

Stjórn Sambands íslenskra sveitarfélaga telur óásættanlegt að skortur á þjónustu af hálfu sýslumanna verði til þess að draga úr kjörsókn í komandi sveitarstjórnarkosningum. Gerir stjórnin þá kröfu til dómsmálaráðuneytisins og sýslumannsembætta að þau tryggi að skipulag utankjörfundaratkvæðagreiðslu henti íbúum í hverjum landshluta, án þess að þeir þurfi að ferðast um langan veg.

Nánar...

25. apr. 2018 : Leyfum börnum að vera börn

Upplýsingatækni- og samfélagsmiðlavæðing síðustu ára heggur í sumum tilvikum nærri þeim rétti sem börn njóta til einkalífs, trúnaðar og sjálfstæðra skoðana. Það gleymist stundum að leyfa börnum að vera börn. Fjallað var um rétt barna í opinberri umfjöllun á morgunverðarfundi Náum áttum, sem var jafnframt síðasti fundur hópsins fyrir sumarhlé.

Nánar...

16. apr. 2018 : Sveitarfélögum fækkar um tvö að kosningum loknum

Kosið verður til 72 sveitarstjórna í 74 sveitarfélögum í komandi sveitarstjórnarkosningum. Samning Fjarðabyggðar og Breiðdalshrepps var samþykkt nýlega með miklum meirihluta greiddra atkvæða. Í nóvember sl. samþykktu einnig Sandgerði og sveitarfélagið Garður að sameinast.

Nánar...
Síða 2 af 10