10. sep. 2012

Ungt fólk 2012

  • Ungt-folk

Rannsóknaröðin Ungt fólk hóf göngu sína árið 1992 og er því 20 ára nú í haust. Rannsóknir og greining við Háskólann í Reykjavík hefur unnið rannsóknirnar frá árinu 1999 og hafa þær verið til grundvallar stefnumótunar og aðgerða í málefnum ungs fólks á Íslandi mörg undanfarin ár.

Rannsóknirnar eru lagðar reglulega fyrir nemendur landsins í 5. – 7. bekk og 8. – 10. bekk grunnskóla auk 16 til 19 ára nemenda í öllum framhaldsskólum landsins. Þá hafa Ungt fólk rannsóknirnar einnig verið unnar meðal ungmenna sem ekki stunda nám á framhaldsskólastigi.

Mennta- og menningarmálaráðuneytið hefur stutt við gerð rannsóknanna frá upphafi og
telur að æskulýðsrannsóknirnar Ungt fólk séu mikilvægt tæki til að fylgjast með þáttum eins og menntun, menningu, tómstundum, íþróttaiðkun, félagsstarfi, framtíðarsýn og líðan barna og ungmenna. Æskulýðsrannsóknirnar Ungt fólk eru þannig afar mikilvægar bæði fyrir stjórnvöld og þá aðila er vinna með börnum og ungmennum, svo sem æskulýðssamtök, íþróttasamtök, stofnanir, fagaðila og fjölmarga aðra.


Niðurstöður rannsóknarinnar má jafnframt finna á vef Rannsókna og greiningar www.rannsoknir.is og á vef ráðuneytisins www.menntamalaraduneyti.is

Upplýsingar um frekari úrvinnslu úr rannsókninni veita Rannsóknir og greining, Háskólanum í Reykjavík, Menntavegi 1, 101 Reykjavík, sími: 599 6431, netfang: rannsoknir@rannsoknir.is

Ungt fólk 2012 - skýrslan.