Nú þegar hafa borist 36 svör við fyrstu könnun en fresturinn framlengdur um 1. apríl ásamt því að könnun númer tvö hefur verið send út.
Um áramótin tóku gildi ný lög vegna innleiðingar hringrásarhagkerfis þar sem og sveitarfélög gegna lykilhlutverki. Samband íslenskra sveitarfélaga hyggst senda út þrjár kannanir til að kanna stöðu innleiðingar laganna.
Áætlun sambandsins um þessa upplýsingasöfnun er eftirfarandi:
- Fyrsta könnun send út 13. mars, skilafrestur til og með 26. mars - framlengt
- Önnur könnun send út 27. mars, skilafrestur til og með 18. apríl
- Þriðja könnun send út 19. apríl, skilafrestur til og með 3. maí
Kannanirnar eru unnar í tengslum við átakið Samtaka um hringrásarhagkerfi sem sambandið setti á fót með aðstoð Umhverfis- orku- og loftslagsráðuneytisins. Kannanirnar eru framhald af fyrri könnun sem var framkvæmd sumarið 2022. Markmið átaksins er að aðstoða sveitarfélög við að innleiða nýleg lagaákvæða um úrgangsmál og innleiðingu hringrásarhagkerfis sem tóku gildi 1. janúar 2023.
Óskað er eftir því að það starfsfólk sem hefur besta þekkingu á stöðu úrgangsmála, bæði hvað varðar framkvæmd og rekstur í sveitarfélaginu svari könnuninni.
Hafir þú einhverjar spurningar varðandi könnunina er bent á að hafa samband við Eygerði Margrétardóttur eða Þorgerði M. Þorbjarnardóttur sem eru báðar sérfræðingar á lögfræði- og velferðarsviði sambandsins, netföng þeirra eru eygerdur.margretardottir@samband.is og thorgerdurm@samband.is.
Óskað er eftir að hvert sveitarfélag svari könnuninni einu sinni. Niðurstöður könnunarinnar verða teknar heildrænt saman yfir landið en ekki eftir sveitarfélögum.
Önnur könnunin inniber 12 spurningar og áætlað er að það taki um 10 mínútur að svara þeim. Þess er vinsamlega óskað að könnuninni verði svarað í síðasta lagi fyrir 18. apríl nk.
Hlekk á könnunina má finna hér: https://forms.office.com/e/YDqzy3PTQn