08. nóv. 2010

Ársfundur Fræðslumiðstöðvar atvinnulífsins

  • Fraedslumidstod-atvinnulifsins

Fimmtudaginn 18. nóvember næstkomandi mun Fræðslumiðstöð atvinnulífsins halda ársfund sinn undir yfirskriftinni Hvað hvetur, hvað letur? Fundurinn verður haldinn á Nordica Hilton hótel frá 13:30 til 16:30. Þema fundarins er þátttaka og hvatning til náms. Fundarstjóri verður Guðfinna Harðardóttir, mannauðssérfræðingur hjá Sambandi íslenskra sveitarfélaga.  Skráning fer fram á www.frae.is þar sem einnig má finna dagskrá ársfundarins.

Á aðalfundi FA 6. maí sl. var samþykkt að BSRB, Samband íslenskra sveitarfélaga og fjármálaráðuneytið verði aðilar að félaginu, auk Alþýðusambands Íslands og Samtaka atvinnulífsins.

Fræðslumiðstöð atvinnulífsins (FA) var stofnuð 2002 af ASÍ og SA og hefur starfað síðan 2003 á grundvelli þjónustusamnings við mennta- og menningarmálaráðuneytið. Markhópur starfseminnar er einkum fólk á vinnumarkaði, sem hefur ekki lokið námi frá framhaldsskóla. FA hefur þróað sérstakar námsleiðir fyrir markhópinn og eru margar þeirra hannaðar að þörfum atvinnulífsins. Þessar námsleiðir hafa verið vottaðar til eininga á framhaldsskólastigi. Einnig hafa verið þróaðar aðferðir og tæki til raunfærnimats og náms- og starfsráðgjafar fyrir fólk á vinnumarkaði, auk ýmissa fleiri þróunarverkefni sem m.a. er ætlað að auka veg framhaldsfræðslunnar og gæði. Fræðslu- og símenntunarmiðstöðvar sem starfandi eru í öllum landshlutum eru helstu samstarfsaðilar FA.