30. mar. 2014

Samkomulag um framlengingu kjarasamninga við 12 aðildarfélög Bandalags háskólamanna undirritað í kvöld

  • SIS_Kjara_starfsmannamal_760x640

Í kvöld undirrituðu samninganefndir Sambands íslenskra sveitarfélaga og 12 aðildarfélaga Bandalags háskólamanna samkomulag um breytingu og framlenginu á kjarasamningum aðila, með gildistíma frá 1. mars 2014 til 31. ágúst 2015. Félögin sem um ræðir eru:

  • Dýralæknafélag Íslands,
  • Félag íslenskra félagsvísindamanna,
  • Félag íslenskra náttúrufræðinga,
  •  Félagsráðgjafafélag Íslands,
  • Fræðagarður,
  • Iðjuþjálfafélag Íslands,
  • Kjarafélag viðskiptafræðinga og hagfræðinga,
  • Ljósmæðrafélag Íslands,
  • Sálfræðingafélag Íslands,
  • Stéttarfélag bókasafns- og upplýsingafræðinga,
  • Stéttarfélag lögfræðinga og
  • Þroskaþjálfafélag Íslands.

Enn er ólokið gerð kjarasamnings við eitt aðildarfélag BHM, þ.e. Félag íslenskra hljómlistarmanna. Ástæða þess að félagið er ekki aðili að samkomulaginu sem undirritað var í kvöld er sú að kjarasamningur félagsins er mjög ólíkur öðrum BHM samningum að uppbyggingu og efni. Kjaraviðræðum aðila verður haldið áfram í vikunni.