Foreldrar leikskólabarna boðuðu til mótmæla við húsnæði Sambands íslenskra sveitarfélaga í morgun vegna verkfalla félagsmanna BSRB í 29 sveitarfélögum.
![](https://www.samband.is/wp-content/uploads/2023/06/arnar-por-motmaeli-visir-edited.jpg)
Um 100 manns mættu og tók Arnar Þór Sævarsson, framkvæmdastjóri sambandsins, vel á móti mótmælendum og bauð þeim upp á kaffi, kex og safa. Þá ræddi hann bæði við skipuleggjendur mótmælanna og aðra sem voru á svæðinu. Ítrekaði Arnar Þór að sambandið lítur stöðuna mjög alvarlegum augum og sýnir því mikinn skilning að verkföllin séu erfið og taki mikið á bæði foreldra og börn.
Sambandið leggur allt kapp á að leysa kjaradeiluna sem allra fyrst og hefur lagt fram mjög sanngjarnt tilboð til félagsmanna bæjarstarfsmannafélaga innan BSRB, þar sem áherslan er á að lyfta lægst launuðu hópunum. Inniheldur tilboðið meðal annars 50.000 kr. til 60.000 kr. hækkun lægstu launa á mánuði frá 1. apríl 2023, og nær sú hækkun til um helmings félagsmanna.
![](https://www.samband.is/wp-content/uploads/2023/06/348388336-979970136517219-4224884682664600986-n-1024x768.jpg)
![](https://www.samband.is/wp-content/uploads/2023/06/348381593-210310408543597-4293253529001166444-n-1024x768.jpg)
![](https://www.samband.is/wp-content/uploads/2023/06/348369001-811624220053415-343959185891014663-n-1024x768.jpg)
![](https://www.samband.is/wp-content/uploads/2023/06/20230607-095825-1024x768.jpg)
![](https://www.samband.is/wp-content/uploads/2023/06/20230607-100948-1024x768.jpg)
![](https://www.samband.is/wp-content/uploads/2023/06/20230607-095749-1024x768.jpg)