Fréttir og tilkynningar

Fyrirsagnalisti

09. júl. 2019 : Staðgreiðsla útsvars á fyrri hluta árs 2019

Hag- og upplýsingasvið sambandsins hefur tekið saman upplýsingar um tekjur sveitarfélaga af staðgreiðslu útsvars á fyrri hluta 2019 og borið hana saman við sömu mánuði í fyrra. Um er að ræða greidda staðgreiðslu útsvars frá febrúar til júní. Staðgreiðsla sem greidd er í janúar er að mestum hluta lagt á launagreiðslur ársins á undan og þess vegna er sá mánuður ekki tekinn með.

Nánar...

02. júl. 2019 : Ársreikningar sveitarfélaga 2018

Afkoma sveitarfélaga var óvenju góð á árinu 2018 og fá dæmi eru um viðlíka afkomu á þessari öld. Rekstrarafgangur A-hluta nam tæpum 15 milljörðum króna eða 4,5% af tekjum, samanborið við 4,2% árið 2017 og 0,1% halla að meðaltali árin 2010-2016. Rekstur A-hluta skilaði veltufé sem nam 11,3% af tekjum árið 2018 en 10,5% árið áður og 11,9% 2016.

Nánar...

01. júl. 2019 : Samkomulag um hlutverk og umgjörð Þjóðhagsráðs undirritað

Myndin er tekin af vef Stjórnaráðsins

Forsætisráðherra, fjármála- og efnahagsráðherra, samgöngu- og sveitarstjórnarráðherra, Samband íslenskra sveitarfélaga, Alþýðusamband Íslands, Bandalag háskólamanna, BSRB, Kennarasamband Íslands, Samtök atvinnulífsins og Seðlabanki Íslands hafa undirritað samkomulag um hlutverk og umgjörð Þjóðhagsráðs.

Nánar...

20. jún. 2019 : Fallið frá tímabundinni frystingu framlaga til jöfnunarsjóðs

Meirihluti fjárlaganefndar hefur lagt til að fallið verði frá svokallaðri tímabundinni frystingu á framlögum til Jöfnunarsjóð sveitarfélaga árin 2020 og 2021. Í því felst að framlög til sjóðsins hækka á þessu tímabili um 279 m.kr. árið 2020 og 1.404 m.kr. árið þar á eftir eða um 1.683 m.kr. alls. Með þessari tillögu meirihlutans hefur verið fallið frá þeim skerðingum sem sveitarfélögin í landinu mótmæltu harðlega sl. vor.

Nánar...

23. maí 2019 : Góð rekstrarafkoma og miklar fjárfestingar

Samantekt hag- og upplýsingasviðs úr ársreikningum 10 stærstu sveitarfélaga landsins leiðir í ljós, að afkoma var á síðasta ári góð og fjárfestingar miklar. Fjárfestingar jukust í A-hluta um 36% frá árinu 2017 og rekstrarafgangur svaraði til 4,2% af heildartekjum, sem er jafnframt aðeins betri árangur en árið áður. Veltufé frá rekstri nam 11,2% af heildartekjum árið 2018, samanborið við 10,2% árið áður, 11,7% árið 2016 og 12,7% árið 2015.

Nánar...

22. maí 2019 : Ítarlegri umsögn sambandsins um fjármálaáætlun 2020-2024 fylgt eftir við fjárlaganefnd

Samband íslenskra sveitarfélaga skilaði ítarlegri umsögn um fjármálaáætlun 2020-2024 til fjárlaganefndar Alþingis í morgun. Farið er þar yfir þá hnökra sem orðið hafa á samskiptum ríkis og sveitarfélaga í tengslum við þá einhliða ákvörðun ríkisstjórnarinnar að frysta framlög til Jöfnunarsjóðs sveitarfélaga á árunum 2020 og 2021. Skerðingin nemur samtals 3-3,5 ma.kr. og bitnar hún harðast á fámennum sveitarfélögum. Gerð er skýlaus krafa um að Alþingi dragi til baka þessi áform ríkisstjórinarinnar.

Nánar...

14. maí 2019 : Uppselt á sýningarsvæði fjármálaráðstefnunnar

Fjármálaráðstefna sveitarfélaga fer fram dagana 3. og 4. október nk. með svipuðu sniði og undanfarin ár. Allir sýningarbásar vegna ráðstefnuna eru upp pantaðir.

Nánar...

08. maí 2019 : Tillögur að almennri innkaupastefnu opinberra aðila fyrir matvæli

Jákvæð umhverfisáhrif, hollt mataræði, matarsóun, rekjanleiki og reiknilíkan fyrir kolefnisspor er á meðal þess sem fjallað er um í innkaupastefnu matvæla fyrir ríkisaðila. Vonir standa til þess að stefnan nýtist einnig sveitarfélögum ásamt öðrum opinberum aðilum.

Nánar...

03. maí 2019 : Ný stefna í íþróttamálum kynnt

Lilja Alfreðsdóttir, mennta- og menningarmálaráðherra, kynnti nýja stefnu í íþróttamálum í gær. Stefnan var unnin í samstarfi mennta- og menningarmálaráðuneytisins og íþróttanefndar ríkisins. Virk þátttaka og aðgengi allra að íþróttastarfi áframhaldandi leiðarstef í íþróttastefnu stjórnvalda.

Nánar...

16. apr. 2019 : Breytt landslag hjá sveitarfélögum í innkaupum

Innkaupadagur Ríkiskaupa var haldinn 21. mars sl. og þar voru mörg fróðleg erindi um innkaupamál. Meðal annars fjallaði Bryndís Gunnlaugsdóttir, lögfræðingur sambandsins, um breytt landslag hjá sveitarfélögum í innkaupum og Dagmar Sigurðardóttir, sviðsstjóri lögfræðisviðs Ríkiskaupa fjallaði um hvað má og hvað ekki við opinber innkaup.

Nánar...
Síða 1 af 10