13. okt. 2017

Viðkvæmir hópar

Náum áttum hópurinn boðar til fyrsta morgunverðarfundar vetrarins miðvikudaginn 18. október nk. á Grand hóteli í Reykjavík. Að þessu sinni verður sjónum beint að viðkvæmum hópum í samfélaginu. Fundurinn hefst kl. 8:15 og lýkur kl. 10:00.

Fyrirlesarar að þessu sinni verða Auður Erla Gunnarsdóttir, sálfræðingur hjá Heilsugæslunni Hvammi í Kópavogi, Funi Sigurðsson, sálfræðingur hjá Stuðlum og Hrefna Þórðardóttir, sviðsstjóri endurhæfingabrauta og sjúkraþjálfari hjá Janusi-endurhæfingu.

Fundarstjóri verður Rafn M. Jónsson, verkefnastjóri hjá Embætti landlæknis.

Þátttökugjald er 2.900 krónur sem þarf að greiða á staðnum.

Náum áttum