16. ágú. 2016

Byggðaráðstefnan 2016

Sókn landsbyggða: Kemur unga fólkið? Hvar liggja tækifærin?

14.-15. september 2016, Breiðdalsvík

Byggðastofnun í samstarfi við Austurbrú, Breiðdalshrepp, Samband íslenskra sveitarfélaga og Samband sveitarfélaga á Austurlandi stendur að ráðstefnunni sem er ætlað að kynna nýjar rannsóknir í byggðamálum og reynslu af hagnýtu starfi og vera á þeim grunni vettvangur fyrir umræðu um stefnumótun. Ráðstefnan er haldin á Breiðdalsvík er það gert til að veita þátttakendum innsýn í lífskjör heimamanna og áskoranir og tækifæri sem þeir standa frammi fyrir.

Á fyrri degi ráðstefnunnar er ætlunin að gefa yfirsýn yfir stöðu og þróun í byggða- og atvinnumálum landsbyggðanna. Kynntar verða nýlegar rannsóknir á þróun menntamála, atvinnuhátta sjávarbyggða, ferðaþjónustu, stóriðju og síðast en ekki síst á viðhorfum ungs fólks og brottfluttra kvenna. Þá mun Laila Kildesgaard sem er framkvæmdastjóri svæðissveitarfélagsins Borgundarhólms, segja frá því hvernig unnið hefur verið að því að snúa vörn í sókn á eyjunni sem hefur sem danskt jaðarsvæði, þurft að glíma við svipaðar áskoranir og íslenskar landsbyggðir.

Á seinni degi ráðstefnunnar verður sjónum síðan beint að sóknarfærum til jákvæðrar framþróunar. Kynnt verða árangursrík þróunarverkefni og tækifæri. Ráðstefnan á erindi við sveitarstjórnarfólk, fulltrúa atvinnulífs, stefnumótendur og alla sem vinna að og eru áhugasamir um byggða- og atvinnuþróun á Íslandi. 

Ráðstefnugjald er 15.000 kr. innifalið er veitingar, ráðstefnugögn og fyrirtækjaheimsóknir.  

Skráning á info@breiddalsvik.is – skráningarfrestur er til 5. september n.k.

Nánari upplýsingar: Sigríður Elín Þórðardóttir, sigridur@byggdastofnun.is

Dagskrá

Miðvikudagur 14.09.2016

  •   9:30-10:00  Skráning og afhending ráðstefnugagna.
  • 10:00-10:10  Hákon Hansson, oddviti Breiðdalshrepps.
  • 10:10-10:25  Gunnar Bragi Sveinsson, ráðherra byggðamála.
  • 10:25-10:35  Aðalsteinn Þorsteinsson, forstjóri Byggðastofnunar.
  • 10:35-11:05  Þóroddur Bjarnason, Háskólinn á Akureyri: Mennt og máttur landsbyggðanna.
  • 11:05-11:20  Kaffi
  • 11:20-11:40  Gréta Bergrún Jóhannesdóttir, Þekkingarnet Þingeyinga: Breytingar á atvinnuháttum sjávarbyggða á Íslandi-raundæmið Húsavík.
  • 11:40-12:00  Arnar Þór Jóhannesson, Rannsóknarmiðstöð Háskólans á Akureyri: Viðhorf til ferðaþjónustu: Ólíkir staðir - ólík sýn.
  • 12:00-12:15  Fyrirspurnir
  • 12:15-13:10  Hádegismatur
  • 13:10-13:40  Hjalti Jóhannesson, Rannsóknarmiðstöð Háskólans á Akureyri: Stóriðja á Austurlandi og lýðfræðileg þróun á rekstrartíma.
  • 13:40-14:00  Margrét Gauja Magnúsdóttir, Þekkingarsetrið Nýheimar: Lýðræðisvitund og valdefling ungmenna á landsbyggðinni.
  • 14:00-14:20  Stefanía Gísladóttir, Landsbyggðin lifi: Búsetuskilyrði ungs fólks. 
  • 14:20-14:40  Helena Eydís Ingólfsdóttir, Þekkingarnet Þingeyinga: Áhrifaþættir og búseta ungs fólks.   
  • 14:40-15:00  Kaffi
  • 15:00-15:40  Laila Kildesgaard, kommunaldirektør i Bornholms Regionskommune.
  • 15:40-16:00  Birna G. Árnadóttir og Tinna K. Halldórsdóttir, Austurbrú: Ég kem ekki aftur!
  • 16:00-16:20  Fyrirspurnir og umræður
  • 17:00            Fyrirtækjaheimsóknir í boði heimamanna
  • 20:00            Kvöldverður

Fimmtudagur 15.09.2016

  •   9:00-  9:20  Sigrún Blöndal, formaður SSA: Framhaldsskólamenntun í heimabyggð
  •   9:20-  9:40  Tinna K. Halldórsdóttir, Austurbrú: Heima er þar sem eyjahjartað slær.
  •   9:40-10:00  Tinna Guðmundsdóttir, Myndlistarmiðstöð Austurlands: Tilviksrannsókn um Skaftfell - myndlistarmiðstöð Austurlands.
  • 10:00-10:20  Kaffi
  • 10:20-10:40  Kristín Ágústsdóttir, Náttúrustofa Austurlands: Náttúrustofur velheppnuð byggðaaðgerð sem tryggir fjölbreytt störf fyrir ungt fólk á landsbyggðinni.
  • 10:40-11:00  Ingólfur Arnarsson, Háskólinn á Bifröst: Verkefnið,,Rekstraráætlanir“.
  • 11:00-11:20  Unnar Geir Unnarsson, Menningarmiðstöð Fljótsdalshéraðs: Sviðslistir á Fljótsdalshéraði, atvinna eða afþreying?
  • 11:20-11:30  Fyrirspurnir
  • 11:30-12:00  Léttir réttir 
  • 12:00-12:20  Sigríður K. Þorgrímsdóttir og Kristján Þ. Halldórsson, Byggðastofnun: Brothættar byggðir.
  • 12:20-12:40  Silja Jóhannesdóttir, Atvinnuþróunarfélag Þingeyinga: Raufarhöfn og framtíðin eftir 2014.  Öxarfjörður í sókn. 
  • 12:40-13:00  Guðrún Schmidt, Landgræðsla ríkisins: Samhugur, samkennd og   sjálfbærni - Sókn landsbyggða. 
  • 13:00-13:20  Jóna Árný Þórðardóttir, Austurbrú: Innanlandsflug sem almenningssamgöngur.   
  • 13:20-13:30  Fyrirspurnir
  • 13:30-14:00  Samantekt: Þóroddur Bjarnason

Fundarstjóri: Björg Björnsdóttir, verkefnisstjóri, Samtaka sveitarfélaga á Austurlandi. 

Prentvæn útgáfa