Þann 10. nóvember næstkomandi verður ársfundur náttúruverndarnefnda sveitarfélaga haldinn að Gjánni í Grindavík, Austurvegi 1-3.
Samkvæmt 14 gr. laga um náttúruvernd nr. 60/2013 skulu sveitarstjórnir hafa náttúruverndarnefndir sem skulu vera sveitarstjórnum til ráðgjafar um náttúruverndarmál.
Á fundinum verður fjallað um hlutverk náttúruverndarnefnda auk þess sem á dagskránni verða ýmis áhugaverð erindi um umhverfismál sem viðkoma starfsemi og ábyrgð sveitarfélaga. Umhverfisstofnun stendur að fundinum í samstarfi við Samband íslenskra sveitarfélaga og Samtök náttúrustofa.
Fundurinn hefst klukkan 11:00 og stendur til 15:15.
Nauðsynlegt er að skrá sig á fundinn, bæði fyrir streymi og staðfund en skráning fer fram á eftirfarandi tengli: Skráning á ársfund náttúruverndarnefnda. Þátttökugjald er 2.500 krónur á hvern þátttakanda sem tekur þátt á staðnum.
Nánari upplýsingar um tengingu við fjarfundinn verður send til skráðra þátttakenda í síðasta lagi að morgni fundardags.
Fundarstjóri er Þorgerður M Þorbjarnardóttir, sérfræðingur hjá Sambandi íslenskra sveitarfélaga.