Fréttir: nóv 2018, síða: 2

Stafræn framtíð hins opinbera – hvernig byrjum við?

Dagur upplýsingatækninnar 2018, UT-dagurinn, fer fram 6. desember nk. með ráðstefnu á Grand hóteli í Reykjavík.  Yfirskrift dagsins er stafræn framtíð hins opinbera – hvernig byrjum við?

Lesa meira

Nýjar reglugerðir sem lúta að þjónustu við fatlað fólk

Birtar hafa verið fimm nýjar reglugerðir vegna þjónustu við fatlað fólk og eftirlits með aðbúnaði á heimilum og stofnunum sem þjóna fötluðum. Reglugerðirnar eru settar með stoð í lögum um þjónustu við fatlað fólk með langvarandi stuðningsþarfir sem tóku gildi 1. október síðastliðinn og er ætlað að stuðla að umbótum hver á sínu sviði.

Lesa meira

Fyrsta heilbrigðisstefna landsins í mótun

Sveitarfélögin hafa mikilvægu hlutverki að gegna innan heilbrigðiskerfisins með þeirri þjónustu sem þeim ber að veita samkvæmt lögum um félagsþjónustu sveitarfélaga, lögum um málefni aldraðra og lögum um þjónustu við fatlað fólk með langvarandi stuðningsþarfir. Í drögum að heilbrigðisstefnu, þeirri fyrstu sem hefur verið mörkuð hér á landi, er lagt til að ákvarðanir um heilbrigðisþjónustu séu teknar sem næst þeim sem þurfi á þjónustunni að halda. 

Lesa meira

Takmarka skal aðgang að persónuupplýsingum

Gæta verður að meðalhófsreglu nýrra persónuverndarlaga, þegar starfsmönnum er veittur aðgangur að persónugreinanlegum upplýsingum. Í úrskurði Persónuverndar vegna aðgangs starfsmanna sveitarfélags að upplýsingum í þjóðskrá, kemur fram að meðalhófsregla persónuverndarlaga takmarki aðgang að upplýsingum við þá sem þurfi nauðsynlega á þeim að halda starfs síns vegna.

Lesa meira

Jarðvegur fyrir miðhálendisþjóðgarð kannaður

Textadrög að fyrstu verkefnum þverpólitískrar nefndar, sem vinnur nú að stofnun þjóðgarðs á miðhálendi Íslands, eru nú til umsagnar í samráðsgátt ríkisins. Sveitarfélög eru hvött til að kynna sér tillögur nefndarinnar og skila inn umsögn um málið. Einkum eru þau sveitarfélög sem liggja að hálendinu hvött til að láta sig málið varða. Málið snertir þó öll sveitarfélög landsins, með einum eða öðrum hætti. 

Lesa meira

Nýjar aðferðir við orkuöflun

Eftirspurn eftir raforku er nú þegar umfram framboð hér á landi, segir í nýrri skýrslu sem ferðamála-, iðnaðar- og nýsköpunarráðherra hefur látið gera um nýjar aðferðir við orkuöflun. Vindorka, lítil vatnsorkuver og varmaorka eru þeir orkukostir sem taldir eru líklegastir til að leysa úr stóraukinni orkuþörf á næstu áratugum. Sveitarfélög gegna lykilhlutverki fyrir orkubúskap þjóðarinnar.

Lesa meira

Undanþágur frá starfsleyfi veittar með skilyrðum

Umhverfis- og auðlindaráðherra hefur veitt Arctic Sea Farm hf. og Fjarðalaxi hf. undanþágur vegna sjókvíaeldis á laxi í Patreksfirði og Tálknafirði með skilyrðum. Tímabundið starfsleyfi heimilar Arctic Sea Farm framleiðslu á 600 tonnum á ári og Fjarðalaxi 3.400 tonnum á ári. Starfsleyfin falla úr gildi í síðasta lagi þann 5. september 2019.

Lesa meira

Skipun öldungaráðs – algengar spurningar og svör

Í framhaldi af gildistöku nýrra og breyttra laga um félagsþjónustu sveitarfélaga þann 1. október sl. hefur skipan öldungaráðs verið ofarlega á baugi hjá mörgum sveitarfélögum, en þessum nýju ráðum er ætlað að vera formlegur samráðsvettvangur um þjónustu við aldraða og þróun öldrunarmála innan sveitarfélagins. Lögfræði- og velferðarsvið sambandsins hefur tekið saman helstu spurningar og svör um stofnun öldungaráðs.

Lesa meira

Fyrsta skóflustungan tekin hjá Byggðastofnun

Sigurður Ingi Jóhannsson, samgöngu- og sveitarstjórnarráðherra, tók nýlega fyrstu skóflustunguna að nýju skrifstofuhúsnæði fyrir Byggðastofnun á Sauðárkróki. Nýju húsnæði er ekki aðeins ætlað að leysa úr húsnæðisvanda stofnunarinnar heldur fylgir hönnun þess einnig eftir stefnumörkun úr byggðaáætlun 2018-2024.

Lesa meira

European Youth Capital 2022

European Youth Capital eða höfuðborg unga fólksins í Evrópu er titill sem Ungmennasamtök Evrópu (e. European Youth Forum, EYF) veita evrópskri borg eða bæ til eins árs í senn. Markmiðið er að stuðla að aukinni valdeflingu ungs fólks og efla þátttöku þess í samfélaginu. 

Lesa meira

Úthlutun á verkefnastyrkjum í byggðaáætlun vegna sóknaráætlana

Samgöngu- og sveitarstjórnarráðherra hefur veitt landshlutasamtökum sveitarfélaga níu verkefnastyrki á grundvelli stefnumótandi byggðaáætlunar fyrir árin 2018-2024. Þetta er í fyrsta sinn sem framlög úr byggðaáætlun eru sett í samkeppnispott og þeim úthlutað að fengnum umsóknum. Stendur til að fjölga slíkum samkeppnispottum jafnt og þétt á næstunni, að sögn Sigurðar Ing Jóhannssonar, samgöngu- og sveitarstjórnarráðherra.

Lesa meira

Áfangastaðaáætlanir allra landshluta kynntar

Áfangastaðaáætlanir landshlutanna voru kynntar á fjölsóttum kynningarfundi í gær, en verkefnið er það umfangsmesta sem unnið hefur verið á grundvelli Vegvísis í ferðaþjónustu. Aldís Hafsteinsdóttir, formaður Sambands íslenskra sveitarfélaga, hvetur sveitarfélög eindregið til þess að kynna sér áætlanirnar. Mikilvægt sé að þær nýtist sveitarfélögum og landshlutum til uppbyggingar. 

Lesa meira

Heimsmarkmiðin og sveitarfélögin

Nordregio, Norræna byggðastofnunin, hefur gefið út skýrslu um heimsmarkmið Sameinuðu þjóðanna og sveitarfélög á Norðurlöndum. Skýrslan nefnist Global goals for local priorities: The 2030 Agenda at local level og fjallar um brautryðjendur í innleiðingu eða first movers. Af þeim 27 sveitarfélögum sem skýrslan nær til eru tvö íslensk eða Kópavogur og Mosfellsbær.

Lesa meira

Vímuefnavandi ungmenna

Í morgun efndi Náum áttum hópurinn til morgunverðarfundar undir yfirskriftinni Vímuefnavandi ungmenna – hvar getum við gert betur? Aukin neysla ungs fólks á ávana- og fíkniefnum og normalísering slíkrar neyslu var á meðal þess sem fjallað var um. 

Lesa meira

Frestur vegna jafnlaunavottunar framlengdur um ár

Fresturinn hefur verið framlengdur til 31. desember 2019. Tekur til allra fyrirtækja og stofnana, óháð stærð þeirra, að þeim aðilum undanskildum sem eru að hálfu eða að meirihluta í eigu ríkisins og með 25 starfsmenn eða fleiri að jafnaði á ársgrundvelli.

Lesa meira

Áfangastaðaáætlanir landsins kynntar

Ferðamálastofa gengst fyrir kynningu á  öllum sjö áfangastaðaáætlunum landsins á Hótel Sögu þann 15. nóvember nk. kl. 13:00-16:00.

Lesa meira

Samspil 2018

Samspil 2018 er fræðsluátak um starfsþróun í þágu menntunar fyrir alla. Átakið er ætlað öllum sem koma að skóla- og fræðslustarfi og er þátttakendum að kostnaðarlausu. 

Lesa meira

Umræðu- og samráðsfundir vegna kjaraviðræðna 2019

Kjarasvið Sambands íslenskra sveitarfélaga hefur að undanförnu verið á ferð og flugi um landið vegna komandi kjaraviðræðna. Starfsmenn sviðsins hafa fundað með sveitarfélögum allra landshluta að höfuðborgarsvæðinu undanskildu, en fundað verður með sveitarfélögum innan SSH í byrjun næstu viku.

Lesa meira