Fréttir og tilkynningar: 2018

Fyrirsagnalisti

20. des. 2018 : Verulegar athugasemdir gerðar við drög að heilbrigðisstefnu

Samband íslenskra sveitarfélaga gerir verulegar athugasemdir við drög að nýrri heilbrigðisstefnu og lítur svo á, að drögin séu umræðuskjal, sem marki einungis upphafspunkt í endurnýjuðu stefnumótunarferli. Langur vegur sé frá því að heildstæð stefna hafi verið mörkuð með stefnudrögunum.

Nánar...

20. des. 2018 : Fundað með umboðsmanni barna

Hljóðvist í skólum og undirbúningur barnaþings 2019 og var á meðal þess sem rætt var á fundi Sambands íslenskra sveitarfélaga með umboðsmanni barna, sem fram fór nú nýlega. Stefnt er að því að barnaþing fari fram í nóvember á næsta ári.

Nánar...

18. des. 2018 : Sjálfbær landnýting er leiðarstef nýrra landgræðslulaga

Alþingi samþykkti á síðasta starfsdegi fyrir jólaleyfi ný lög um landgræðslu. Um heildarendurskoðun er að ræða á eldri lögum frá 1965, sem tekur tillit til þeirra breytinga sem orðið hafa á löggjöf og alþjóðasamningum á sviði umhverfismála. Einnig er skerpt betur á markmiðum laganna, s.s. varðandi vernd og sjálfbæra nýtingu jarðvegs og gróðurs og endurheimt vistkerfa. Þá er nafni Landgræðslu ríkisins breytt í Landgræðslan. Fallist var á breytingartillögu Sambands íslenskra sveitarfélaga sem laut að áhrifum laganna á skipulagsmál sveitarfélaga.

Nánar...

18. des. 2018 : Auglýst eftir umsóknum í þróunarsjóð innflytjendamála

Innflytjendaráð auglýsir eftir umsóknum um styrki úr þróunarsjóði innflytjendamála 2018-2019. Tilgangur sjóðsins er að efla rannsóknir og þróunarverkefni á sviði innflytjendamála með það að markmiði að auðvelda gagnkvæma aðlögun innflytjenda og íslensks samfélags. 

Nánar...

14. des. 2018 : Samstarfsáætlanir Evrópusambandsins, Brexit, „vernd hvíslara“ og aukið samstarf við Svæðanefnd Evrópusambandsins

Sveitarstjórnarvettvangur EFTA fundaði í átjánda sinn í Brussel 6.-7. desember sl. Vettvangurinn tók til starfa árið 2010 til að gæta hagsmuna sveitarstjórnarstigsins í EES EFTA samstarfinu. Í honum eiga sæti sex kjörnir fulltrúar á sveitarstjórnarstigi frá Íslandi og Noregi og tveir áheyrnarfulltrúar frá Sviss. Samband íslenskra sveitarfélaga, Reykjavíkurborg og landshlutasamtök sveitarfélaga tilnefna fulltrúa af hálfu Íslands.

Nánar...

13. des. 2018 : Tilraunaverkefni í húsnæðisuppbyggingu á landsbyggðinni hrundið af stað

Dalabyggð, Vesturbyggð, Snæfellsbær, Skeiða- og Gnúpverjahreppur, Norðurþing, Hörgársveit og Seyðisfjarðarkaupstaður taka þátt í tilraunaverkefni vegna uppbyggingar íbúðarhúsnæðis á landsbyggðinni. Verkefninu er ætlað að rjúfa þá stöðnun í nýbyggingum sem ríkt hefur víða á landsbyggðinni, jafnvel þó að íbúafjölgun eigi sér stað samfara atvinnuuppbyggingu. 

Nánar...

13. des. 2018 : Brottfall úr námi veldur vaxandi áhyggjum

Brottfall úr framhaldsskólum er vaxandi áhyggjuefni á Norðurlöndunum, en rannsóknir sýna að 20-30% framhaldsskólanema eru horfnir frá námi við 20 ára aldurinn. Nýverið stóðu norræna velferðarnefndin og norræna þekkingar- og menningarnefndinni fyrir hringborðsumræðum um brottfall úr framhaldsskólum. Skýr forvarnarstefna í lýðheilsumálum og snemmtæk íhlutun voru þau úrræði sem helst báru á góma gegn þessu vaxandi, samnorræna vandamáli.

Nánar...

12. des. 2018 : Opinbert leigufélag í burðarliðnum

Flestar fasteignir á vegum Íbúðalánasjóðs verða færðar inn í nýtt leigufélag, sem leigja mun eignirnar út með áherslu á hagkvæma útleigu á landsbyggðinni. Ásmundur Einar Daðason, félagsmálaráðherra, vill fá sveitarfélög til samstarfs við nýja félagið. Að mati sérfræðings hjá Sambandi íslenskra sveitarfélaga gæti slíkt félag aukið valkosti sveitarfélaga í húsnæðismálum.

Nánar...

11. des. 2018 : Niðurstöður úr WiFi4EU útdrætti

WiFi4EU styrkir að þessu sinni þrjú íslensk sveitarfélög eða Akraneskaupstað, Reykjavíkurborg og Sveitarfélagið Skagafjörð. Verkefnið styrkir uppsetningu á þráðlausu netsambandi í opinberu rými.

Nánar...

10. des. 2018 : Opið fyrir umsóknir í Sprotasjóð

Opnað hefur verið fyrir umsóknir í Sprotasjóð vegna úthlutunarársins 2019-2020. Sótt er um á vef sjóðsins og er umsóknarfrestur er til 1. febrúar 2019. 

Nánar...
Síða 1 af 10