Fréttir og tilkynningar: júní 2015

GERT verkefnið ( grunnmenntun efld í raunvísindum og tækni) hefur nú lokið öðru starfsári sínu. Um er að ræða samstarfsverkefni sambandsins, Samtaka iðnaðarins og mennta- og menningarmálaráðuneytis um að auka áhuga grunnskólanemenda á sviði raunvísinda og tækni.

Undanfarið hafa sambandinu borist allmargar fyrirspurnir um álagningu fasteignaskatts á mannvirki í ferðaþjónustu. Ástæða þykir til þess að taka svör við þeim saman til þess að auðvelda sveitarfélögum að skerpa á verklagi.

Sveitarstjórnarvettvangur EFTA fundaði í ellefta sinn í Stange, Noregi 11.-12. júní sl. Vettvangurinn tók til starfa árið 2010 til að gæta hagsmuna sveitarstjórnarstigsins í EES EFTA ríkjunum gagnvart ESB. Í honum eiga sæti tólf kjörnir fulltrúar á sveitarstjórnarstigi frá Noregi og Íslandi, sex frá hvoru landi, og tveir áheyrnarfulltrúar frá Sviss. Samband íslenskra sveitarfélaga, Reykjavíkurborg og landshlutasamtök sveitarfélaga tilnefna fulltrúa af hálfu Íslands.

Á grundvelli viljayfirlýsingar um faglegt samstarf sem undirrituð var í október 2014 komu Menntavísindasvið Háskóla Íslands (MVS) og sambandið saman til fyrsta formlega samráðsfundar mánudaginn 8. júní. Á fundinum kynnti Jóhanna Einarsdóttir, forseti MVS, aðgerðaáætlun sem unnin hefur verið á MVS á grundvelli ytri úttektar sem gerð var á árangri sameiningar HÍ og KHÍ.

Reglur um námsstyrki til nema í Hveragerði sem leggja stund á háskólanám í leikskólakennarafræðum og annaðhvort vinna í leikskólum Hveragerðisbæjar eða hafa áform um að gera það hafa verið samþykktar af bæjarstjórn.

Samband íslenskra sveitarfélaga hefur sent umhverfis- og samgöngunefnd Alþingis viðbótarumsögn við nefndarálit og breytingartillögur nefndarinnar um ofangreint mál. Helstu ábendingar í umsögninni eru eftirfarandi:

Vegna misvísandi fréttaflutnings Akureyrar-vikublaðs, þann 4. júní 2015, um dóm Félagsdóms í máli Sjúkraliðafélags Íslands gegn Akureyrarbæ vill Samband íslenskra sveitarfélaga koma eftirfarandi staðreyndum málsins á framfæri:

Þann 20. maí 2015, féll dómur Félagsdóms í máli nr.1/2015, sem Sjúkraliðafélag Íslands höfðaði vegna ágreinings við samninganefndar Sambands íslenskra sveitarfélaga um túlkun á ákvæðum kjarasamnings aðila, sem undirritaður var 23. október á síðasta ári.

Samband íslenskra sveitarfélaga hefur um árabil, í kjölfar sveitarstjórnarkosninga haldið úti námskeiðum fyrir kjörna sveitarstjórnarmenn, starfsmenn sveitarfélaga og nefndamenn um hin ýmsu verkefni er varða stjórnun sveitarfélaga.