Fréttir og tilkynningar: maí 2013
Fyrirsagnalisti
Eitt ár til sveitarstjórnarkosninga
Í dag, 31. maí, er nákvæmlega ár til næstu sveitarstjórnarkosninga, sem lögum samkvæmt fara ávallt fram síðasta laugardag í maí sem ekki ber upp á hvítasunnuhelgi. Kjördagur verður því 31. maí 2014. Við sveitarstjórnarkosningarnar sem fram fóru 29. maí 2010 voru sveitarfélögin 76 að tölu. Það sem af er kjörtímabilinu hafa orðið tvær sameiningar sveitarfélaga.
Nánar...Stefnuyfirlýsing nýrrar ríkisstjórnar og sveitarfélögin
Að afloknum alþingiskosningum í apríl sl. var öllum þingmönnum sent bréf frá sambandinu með upplýsingum um helstu áherslur sambandsins í samskiptum þess við Alþingi og ríkisstjórn. Eru þær hluti af ítarlegri stefnumörkun Sambands íslenskra sveitarfélaga sem gildir fyrir árin 2011-2014.
Nánar...Úthlutað úr Sprotasjóði skólaárið 2013-2014
Úthlutað hefur verið úr Sprotasjóði mennta- og menningarmálaráðuneytisins fyrir skólaárið 2013-2014. Alls bárust 115 umsóknir til sjóðsins og fengu 40 verkefni styrk að upphæð rúmlega 45. millj. kr.
Nánar...„Góð menntun er gulls ígildi“
Næsti morgunverðarfundur í morgunverðarfundaröð um menntun innflytjenda í samstarfi mennta- og menningarmálaráðuneytis, Sambands íslenskra sveitarfélaga, Fjölmenningarseturs og Reykjavíkurborgar, verður haldinn föstudaginn 31. maí kl. 8-10 á Grand hótel Reykjavík. Yfirskrift fundarins er „Góð menntun er gulls ígildi“ - innflytjendur með takmarkaða formlega menntun.
Nánar...Kjarasamningur og vinnumarkaður á Norðurlöndum
Fulltrúar heildarsamstaka á almennum og opinberum vinnumarkaði kynntu skýrslu vinnuhóps samtakanna um fyrirkomulag kjarasamninga á Norðurlöndum þriðjudaginn 21. maí síðastliðinn. Skýrslan er samantekt vinnuhópsins sem aflað var með heimsókn til Danmörku, Finnlands, Noregs og Svíþjóðar þar sem fundað var með fulltrúum launþegasamtaka, vinnuveitenda og embættis ríkissáttasemjara.
Nánar...Málþing um haf- og strandsvæðaskipulag
Skipulagsstofnun í samstarfi við Háskólasetur Vestfjarða stendur fyrir málþingi um haf- og strandsvæðaskipulag mánudaginn 27. maí nk. í fundarsal Þjóðminjasafns Íslands. Á fundinum munu m.a. Áslaug Ásgeirsdóttir, dósent í stjórnmálafræði við Bates háskólann í Lewiston, Maine, fjalla um rannsókn sína þar sem hún leitast við að greina hvernig lönd semja um skiptingu gæða milli landhelgissvæða og hvernig nota megi hafskipulag til að leysa ágreining um stjórnun sameiginlegra auðlinda.
Nánar...Fundaröð um menntamál innflytjenda
Kynning á frumvarpi til laga um tónlistarskóla
Eitt af stjórnarfrumvörpum mennta- og menningarmálaráðherra á þingmálaskrá ríkisstjórnar fyrir 141. löggjafarþing var frumvarp til laga um tónlistarskóla. Frumvarpið er byggt á tillögu nefndar um endurskoðun laga um fjárhagslegan stuðning við tónlistarskóla, nr. 75/1985, sem kynnt var í opnu samráðsferli á vef mennta- og menningarmálaráðuneytisins frá 25. janúar til 6. febrúar 2013, þar sem almenningi var gefinn kostur á að senda inn athugasemdir eða ábendingar um efni frumvarpstillögunnar.
Nánar...Morgunverðafundir um menntun innflytjenda
Annar morgunverðarfundurinn í fundarröð um menntun innflytjenda verður haldinn í fyrramálið, föstudaginn 3. maí, á Grand hótel í Reykjavík. Hefst fundurinn kl. 8 og er fyrirhugað að hann standi fram til kl. 10.00. Að þessu sinni er fundurinn undir yfirskriftinni Virkt tvítyngi – íslenskukennsla fyrir nemendur með íslensku sem annað mál og móðurmálskennsla nemenda af erlendum uppruna. Fundurinn er öllum opinn en þátttökugjald er 2.300 krónur og fer skráning fram á vef mennta- og menningarmálaráðuneytisins.