Hvers urðum við vísari og hvað getum við tileinkað okkur?

Málþing um byggðamál og svæðasamvinnu – 14. mars á Grand hótel Reykjavík

Þekkingaruppbygging á byggðamálum hefur verið þáttur í aðildarferli Íslands vegna ESB umsóknarinnar. Meðal annars hafa allir landshlutar átt þess kost að fara í námsferð til aðildarríkja til að kynna sér fyrirkomulag byggðamála. Evrópsk byggðamál byggja á áætlunargerð fyrir svæði. Beitt er aðferðum ramma- og árangursstjórnunar og sveitarfélög hafa mikilvægu hlutverki að gegna. Við getum lært margt af evrópskum byggðamálum, burtséð frá aðildarumsókninni, m.a. um svæðasamvinnu, aðferðir við áætlunargerð og samstarf við hagsmunaaðila um hana. Svæðasamvinna sveitarfélaga er í brennidepli hér á landi og á landsþingi sambandsins daginn eftir málþingið munu verða kynntar og ræddar áfangatillögur nefndar sambandsins um þau mál. Samband íslenskra sveitarfélaga boðar til málþings í tengslum við landsþingið sem mun byggjast á þeim námsferðum sem farnar hafa verið undanfarin tvö ár til að kynna sér byggðamál í aðildarríkjum ESB. Málþingið á erindi við kjörna fulltrúa í sveitarfélögum og aðra yfirstjórnendur, svo og stjórnendur og starfsmenn landshlutasamtaka sveitarfélaga og atvinnuþróunarfélaga.

Skráning fer fram hér á vef sambandsins.

Málþingsgjald er 2.500 krónur og er hádegisverður innifalinn

Dagskrá:

Dagskráin sem pdf skjal.

11:25 Málþingið sett:
 

I. Finnland

11:30 Suðurnes – Tampere, apríl 2011,
Gunnar Þórarinsson formaður SSS
11:45 Suðurland – Rovaniemi, febrúar 2012
Gunnar Þorgeirsson, formaður SASS
12:00 Vesturland – Vaasa, nóvember 2012
Ingibjörg Valdimarsdóttir, bæjarfulltrúi á Akranesi
12:15

Sambandið og innanríkisráðuneytið – Oulu, apríl 2012

12:30 U m r æ ð u r
12:45 Hádegisverður
 

II. Önnur lönd

13:15

Austurland – SA Írland, nóvember 2011

Valdimar Hermannsson, formaður SSA

13:30

Vestfirðir – Bilbao á Spáni, júní 2011

Albertína Friðbjörg Elíasdóttir, formaður FV

13:45

Norðurland vestra – Pärnu í Eistlandi, maí 2012

14:00

Höfuðborgarsvæðið – Aberdeen í Skotlandi, nóvember 2012

Páll Guðjónsson, framkvæmdastjóri SSH

14:15

Norðurland eystra – Svíþjóð, mars 2013

Geir Aðalsteinsson, formaður Eyþings

14:30 U m r æ ð u r
  Málþingsslit
Málþingsstjóri: Anna G. Björnsdóttir, sviðsstjóri þróunar- og alþjóðasviðs sambandsins