Viðburðir
16.10.2017

Húsnæðisþing

Mánudaginn 16. október 2017 standa Íbúðalánasjóður og velferðarráðuneytið fyrir fyrsta  húsnæðisþinginu.  Húsnæðisþingið verður haldið á Hilton Nordica við Suðurlandsbraut á milli 10:00 og 16:30. 

Húsnæðisþingið er vettvangur umræðu og samstarfs í húsnæðismálum og mun þátttakendum gefast kostur á að spyrja þá sem koma að stjórnun húsnæðismála á Íslandi spurninga í pallborðsumræðum. Á þinginu verða meðal annars örinnlegg frá fólki sem þekkir húsnæðisvandann af eigin raun og fulltrúum þeirra sem eru að byggja húsnæði í dag. Þá verður fjallað um nýjar húsnæðisáætlanir sveitarfélaga og kynnt verður ný könnun um stöðu fólks á leigumarkaði ásamt fleiru.

Vinnustofur húsnæðisþingsins standa yfir milli 10:00 og 12:00 og er ætlað að höfða sérstaklega til þeirra sem starfa að húsnæðismálum. Húsnæðisþingið hefst klukkan 13:00 með opnunarávarpi Víglunds Þorsteinssonar, félags- og jafnréttismálaráðherra. Hermann Jónasson forstjóri Íbúðalánasjóð mun í kjölfarið fjalla um stöðu húsnæðismarkaðarins og fara yfir húsnæðisstuðning hins opinberra á Íslandi og til hvaða hópa hann rennur.  Húsnæðisvandi sveitarfélaganna verður ræddur og boðið upp á örinnlegg frá aðilum sem eru að byggja og einstaklingum sem hafa staðið frammi fyrir húsnæðisvanda undanfarin ár.

Dagskrá og Skráning á húsnæðisþing

Sjá einnig frétt á vef sambandsins.