Samtök sveitarfélaga á köldum svæðum
Samtök sveitarfélaga á köldum svæðum voru stofnuð 20. nóvember 1996 og voru stofnendur 37 sveitarfélög.
Tilgangur samtakanna er:
- að vinna að lækkun orkukostnaðar til húshitunar á „köldum svæðum“
- að stuðla að (frekari) jarðhitaleit.
- að afla og dreifa upplýsingum um orkumál til aðildarsveitarfélaga
- að stuðla að aukinni þekkingu almennings á leiðum til orkusparnaðar.
Kristinn Jónasson, bæjarstjóri í Snæfellsbæ, er formaður samtakanna. Aðrir í stjórn eru Ómar Már Jónsson, sveitarstjóri Súðavíkurhrepps, og Hjalti Þór Vignisson, bæjarstjóri Sveitarfélagsins Hornafjarðar.
Varamenn í stjórn eru:
- Ólafur Hr. Sigurðsson, bæjarstjóri á Seyðisfirði
- Ásthildur Sturludóttir, bæjarstjóri í Vesturbyggð
- Sigurborg Kr. Hannesdóttir, forseti bæjarstjórnar í Grundarfjarðarbæ
Samtökin hafa aðstöðu á skrifstofu Sambands íslenskra sveitarfélaga og er Magnús Karel Hannesson, sviðsstjóri rekstrar- og útgáfusviðs, starfsmaður þeirra.