Úrgangsmál

Sveitarfélög komu sér á árinu 2007 saman um að stofna til sérstaks verkefnis um hagsmunagæslu í úrgangsmálum, til að styrka stöðu sína í þessu mikilvæga verkefni almannaþjónustu. Um er að ræða tilraunaverkefni sem áætlað er að standi í þrjú ár. Verkefnið hófst í upphafi árs 2008 og stendur til 31. desember 2010. Aðilar að verkefninu eru Samband íslenskra sveitarfélaga og sveitarfélög og fyrirtæki í eigu sveitarfélaga. Verkefninu er ætlað að sjá um eftirfarandi:

  • Vera leiðandi í undirbúningi stefnumótunar sambandsins í úrgangsmálum
  • Vera stjórn og starfsmönnum sambandsins til ráðgjafar um úrgangsmálefni
  • Vekja athygli á þróun og breytingum í úrgangsmálum, innanlands og erlendis, sem verkefnisstjórn telur þörf á að sambandið vinni að eða miðli upplýsingum um
  • Vekja athygli á málum í rekstri og starfsemi fyrirtækja sveitarfélaga á sviði úrgangsmála sem verkefnisstjórn telur að þarfnist úrlausnar á vettvangi sambandsins
  • Vera til ráðgjafar við undirbúning viðburða sambandsins á sviði úrgangsmála, svo sem ráðstefna og námskeiða

Í janúar 2009 samþykkti stjórn Sambands íslenskra sveitarfélaga stefnumótun í úrgangsmálum og hefur hún verið gefin út í ritinu Megináherslur í úrgangsmálum.

 


 

 





   
   
     
   
     
   


 


Verkefni sveitarfélaga



Útlit síðu: