Námskeið

Samband íslenskra sveitarfélaga hefur staðið fyrir námskeiðum fyrir sveitarstjórnarmenn, bæði þá sem sitja í sveitarstjórnum og þá sem sitja í nefndum, að loknum sveitarstjórnarkosningum fjórða hvert ár, nú síðast vorið 2011. Hér að neðan er yfirlit yfir þau og aðgangur að námskeiðsefni.

Námskeið

Námskeiðið var sérstaklega sniðið fyrir kjörna fulltrúa í sveitarstjórnum en var einnig áhugavert fyrir framkvæmdastjóra sveitarfélaga og pólitíska fulltrúa í nefndum þeirra. Þetta var heils dags námskeið.
Námsefni frá námskeiðinu.

„Lagaleg umgjörð, fjármálastjórn og vinnuveitendahlutverk sveitarfélaga“
Námskeiðin voru fyrst og fremst ætluð fyrir kjörna fulltrúa í sveitarstjórnum og framkvæmdastjóra sveitarfélaga. Þetta var heils dags námskeið. Starfsmenn sambandsins voru leiðbeinendur á námskeiðunum.
Námsefni frá námskeiðinu.

Námskeið fyrir skólanefndir

Haldin voru átta hálfsdags skólanefndarnámskeið vítt og breitt um landið í apríl og maí 2011. Kennslu önnuðust starfsmenn sambandsins, menntamálaráðuneytisins, fulltrúar frá Heimili og skóla og sérfræðingar frá sveitarfélögum.  Er þetta í fyrsta sinn sem sambandið nýtur samstarfs við ráðuneytið og Heimili og skóla vegna námskeiða fyrir skólanefndir enda var markhópurinn skólanefndin í heild sinni að þessu sinni.

Markmið námskeiðs fyrir skólanefndir var að þátttakendur öðluðust þekkingu og skilning á hlutverki sínu sem fulltrúar í skólanefnd ásamt þeim verkefnum og skyldum sem tilheyra því ábyrgðarsviði. Þátttakendur fengu almenna fræðslu um ramma laga, reglugerða og námskrár a sem setja starfsemi skóla skorður og margt fleira. Þá upplýstu leiðbeinendur um hlutverk og verkefni sinna stofnana í þágu sveitarfélaganna og hvöttu til aukins samstarfs.

Á meðfylgjandi tengli er allt námsefni frá námskeiðinunum gert aðgengilegt ásamt glærum fyrirlesara og upptöku af lokanámskeiðinu sem haldið var í Reykjavík 6. maí.
Námsefni frá námskeiðinu.

Námskeið fyrir kjörna fulltrúa í félagsmálanefndum og starfsmenn félagsþjónustu

Markmið námskeiðsins var að þátttakendur öðluðust þekkingu og skilning á hlutverki sínu sem fulltrúar í félagsmálanefnd og sem starfsmenn félagsþjónustu. Fjallað var um félagsþjónustu sveitarfélaga og þann ramma sem lög um félagsþjónustu sveitarfélaga setja þeirri starfsemi.
Námsefni frá námskeiðinu.

• Anna G. Björnsdóttir
• Guðjón Bragason
• Gunnlaugur Júlíusson
• Inga Rún Ólafsdóttir
• Svandís Ingimundardóttir

• Skólastefna sveitarfélaga, handbók
• Leiðbeiningar um mótun skólastefnu 
• Yfirlit yfir skyldur og ábyrgð skólanefnda 
• Leiðbeiningar vegna innra mats grunnskóla
• Hlutverk og ábyrgð sveitarstjórnarmanna
• Að stýra fundi - Ritun fundargerða
• Siðferði og samfélagsleg ábyrgð