Fréttir og tilkynningar

Fyrirsagnalisti

24. mar. 2017 : XXXI. landsþing sambandsins vel sótt

XXXI. landsþing Sambands íslenskra sveitarfélaga fer nú fram á Grand hóteli í Reykjavík. Alls voru 160 sveitarstjórnarmenn og gestir mættir til þingsins, 104 kjörnir fulltrúar með atkvæðisrétt frá 66 sveitarfélögum og 53 fulltrúar með málfrelsi og tillögurétt.  Þá voru mættir 3 stjórnarmenn í sambandinu, 7 gestir og 23 starfsmenn. Enginn fulltrúi var frá 8 sveitarfélögum.

Nánar...

06. mar. 2017 : Inngangur að skipulagsrétti

Háskólaútgáfan hefur gefið út bókina Inngangur að skipulagsrétti eftir Aðalheiði Jóhannsdóttur. Ritið fjallar um íslenskan skipulagsrétt sem sjálfstæðtt réttarsvið. Í bókinni er m.a. fjallað um skipulagsskyldu, stjórnvöld skipulagsmála, tegundir skipulagsáætlana, málsmeðferð við gerð þeirra, grendarkynningu, framkvæmdaleyfi, bótaábyrgð og endurskoðun ákvarðana.

Nánar...

03. feb. 2017 : Ræða leiðir til að styrkja sveitarstjórnarstigið

Verkefnisstjórn sem hefur það hlutverk að greina sveitarstjórnarstigið og skilgreina tækifæri og leiðir til að styrkja það hefur nú hafið fundaferð þar sem markmiðið er að ræða við og hlusta á sveitarstjórnarmenn um efnið. Fyrsti fundurinn var haldinn í síðustu viku á Hólmavík með fulltrúum sveitarfélaga á Vestfjörðum og nú í vikunni voru fundir á Hvolsvelli og Selfossi með fulltrúum sunnlenskra sveitarfélaga.

Nánar...

02. jan. 2017 : Breytingar á lögum um veitingastaði, gististaði og skemmtanahald

Althingishus

Hinn 31. maí 2016 voru samþykktar breytingar á lögum um veitingastaði, gististaði og skemmtanahald, sbr. lög nr. 67/2016. Lögin tóku gildi þann 1. janúar 2017, en þann 30. desember sl. var ný reglugerð um veitingastaði, gististaði og skemmtanahald send til birtingar í Stjórnartíðindum. Með nýrri löggjöf verður einstaklingum heimilt að leigja út heimili sitt og aðra fasteign sem hann/hún hefur til persónulegra nota í allt að 90 daga á ári. Jafnframt er gert það skilyrði að tekjur einstaklings af leigu fari ekki yfir 2 milljónir kr. á ári.

Nánar...

02. jan. 2017 : Málefni sveitarfélaga - styrkir til meistaranema

Rett_Blatt_Stort_a_vefinn

Samband íslenskra sveitarfélaga veitir nú í annað sinn  allt að þremur meistaranemum styrki  til að vinna lokaverkefni á sviði sveitarstjórnarmála sem tengjast stefnumörkun sambandsins 2014-2018. Til úthlutunar er að þessu sinni allt að 750.000 kr. og stefnt er að því að veita þrjá styrki.

Nánar...

09. des. 2016 : Umsóknarferli vegna verkefnisins Ísland ljóstengt 2017 hafið

Fjarskiptasjóður auglýsir nú umsóknarferli vegna verkefnisins Ísland ljóstengt sem er landsátak stjórnvalda í uppbyggingu ljósleiðarakerfa utan markaðssvæða í dreifbýli. Verkefnið hófst formlega síðastliðið vor með 450 milljón króna styrkveitingu fjarskiptasjóðs til 14 sveitarfélaga sem hlutskörpust urðu í samkeppni um þann styrk. Önnur fjármögnun kemur frá þeim sem tengjast, sveitarfélögunum sjálfum og fjarskiptafyrirtækjum eftir atvikum.

Nánar...

05. des. 2016 : Spilling og bætt siðferði

Ályktun Sveitarstjórnarþings Evrópuráðsins á haustþingi 2016 um aðgerðir til að berjast gegn spillingu og stuðla að bættu siðferði í sveitarfélögum og á svæðum.

Nánar...

07. nóv. 2016 : Yfirlit um stöðu þingmála

althingi-mynd

Að venju hefur undirritaður tekið saman yfirlit um stöðu þingmála að loknu löggjafarþingi en nú er 145. löggjafarþingi nýlokið. Þetta þing var hið lengsta í sögunni en allmörg stjórnarfrumvörp náðu þó ekki fram að ganga.

Nánar...

25. okt. 2016 : Utankjörfundaratkvæðagreiðsla hjá sveitarfélögum

kosning

Á undanförnum áratugum hefur kosningaþátttaka í kosningum á Íslandi farið minnkandi, og þá sérstaklega í sveitarstjórnarkosningum.  Á vettvangi Sambands íslenskra sveitarfélaga hafa farið fram umræður um hvernig hægt sé að bregðast við þessari þróun og snúa henni við. M.a. hefur verið horft til annarra norrænna ríkja en þar hefur kosningaþátttaka einnig breyst til hins verra. Þar hafa verið gerðar tilraunir með aukið aðgengi að utankjörfundaratkvæðagreiðslu með ýmsum hætti. Þær tilraunir eru sagðar hafa aukið kosningaþátttöku merkjanlega.

Nánar...
Síða 1 af 10