Fréttir og tilkynningar

Fyrirsagnalisti

21. apr. 2017 : Starfshópur skipaður til að fara yfir lög um gatnagerðargjöld

Samgöngu- og sveitarstjórnarráðherra hefur skipað starfshóp til að fara yfir lög um gatnagerðargjald en 1. júlí næstkomandi verða liðin 10 ár frá því að lögin gengu í gildi. Markmið starfshópsins er að fara yfir reynsluna af framkvæmd laganna með hliðsjón af fyrirliggjandi dómum og úrskurðum, meðal annars varðandi ákvæði um rétt til endurgreiðslu ef lóð er skilað.

Nánar...

15. mar. 2017 : Úthlutun úr Framkvæmdasjóði ferðamannastaða

Framkvæmdasjóður ferðamannastaða hefur úthlutað samtals 610 milljónum króna til 58 verkefna vítt og breitt um landið. Alls fá sveitarfélög úthlutað 406,6 milljónum króna að þessu sinni, sem nemur 67% af heildarúthlutuninni. Að auki hefur ráðherra ferðamála falið Ferðamálastofu að ganga til samninga við Vegagerðina um þróun á ölduspákerfi vegna Reynisfjöru og Kirkjufjöru. Gert er ráð fyrir að hægt verði að taka búnaðinn í notkun síðar á þessu ári og að kostnaður vegna þessa nemi um 20 m.kr.

Nánar...

06. mar. 2017 : Inngangur að skipulagsrétti

Háskólaútgáfan hefur gefið út bókina Inngangur að skipulagsrétti eftir Aðalheiði Jóhannsdóttur. Ritið fjallar um íslenskan skipulagsrétt sem sjálfstæðtt réttarsvið. Í bókinni er m.a. fjallað um skipulagsskyldu, stjórnvöld skipulagsmála, tegundir skipulagsáætlana, málsmeðferð við gerð þeirra, grendarkynningu, framkvæmdaleyfi, bótaábyrgð og endurskoðun ákvarðana.

Nánar...

01. mar. 2017 : Sveitarfélögin og ferðaþjónustan

Föstudaginn 3. mars nk. stendur Samband íslenskra sveitarfélaga fyrir málþingi undir yfirskriftinni „Sveitarfélögin og ferðaþjónustan“. Markmið málþingsins er að sveitarstjórnarmenn komi saman til þess að ræða málefni ferðaþjónustu og þær áskoranir og tækifæri sem felast í fjölgun ferðamanna sem leggja leið sína hingað til lands. Málþingið hefur jafnframt verið kynnt fyrir fulltrúum ferðaþjónustunnar og öðrum sem láta sig málið varða.

Nánar...

01. mar. 2017 : Rannsókn á samfélagslegum áhrifum ferðaþjónustu

Rannsóknamiðstöð ferðamála hefur gefið út tvær skýrslur í tengslum við rannsókn á samfélagslegum áhrifum ferðaþjónustu og ferðamennsku á einstök samfélög hér á landi. Rannsóknin var unnin með styrk frá atvinnuvega- og nýsköpunarráðuneytinu.

Nánar...

28. feb. 2017 : Skrifað undir samninga um ljósleiðarastyrki

Fulltrúar fjarskiptasjóðs og sveitarfélaga skrifuðu í dag undir samninga um styrki sjóðsins til sveitarfélaganna vegna ljósleiðaravæðingar þeirra í tengslum við landsátakið Ísland ljóstengt. Athöfnin fór fram á skrifstofu Sambands íslenskra sveitarfélaga að Borgartúni 30 í Reykjavík þar sem fulltrúar sveitarfélaganna og Jón Gunnarsson, samgöngu- og sveitarstjórnarráðherra, staðfestu samningana með undirskrift sinni.

Nánar...

26. jan. 2017 : Sérstökum byggðastyrk úthlutað til lagningar ljósleiðara

Jón Gunnarsson, samgöngu- og sveitarstjórnarráðherra hefur ákveðið með vísan til markmiða byggðaáætlunar og umsagnar stjórnar Byggðastofnunar að verja allt að 100 milljónum króna úr fjárveitingu byggðaáætlunar til að styrkja sérstaklega uppbyggingu ljósleiðarakerfis í strjálbýlum sveitarfélögum.

Nánar...

23. des. 2016 : Atvinnutekjur 2008-2015

 

Fimmtudaginn 22. desember gaf Byggðastofnun út skýrsluna „Atvinnutekjur 2008-2015“. Í henni er gefin mynd af þróun atvinutekna á landinu eftir atvinnugreinum kyni, landshlutum og svæðum. 

 

Nánar...

15. des. 2016 : Samgöngur á höfuðborgarsvæðinu

Á aðalfundi Samtaka sveitarfélaga á höfuðborgarsvæðinu, sem haldinn var í byrjun desember 2016, var undirritað samkomulag aðildarsveitarfélaganna um samstarf um næstu skref við undirbúning að innleiðingu svokallaðrar Borgarlínu.

Nánar...

14. des. 2016 : Umsögn um drög að frumvarpi um skipulag haf- og strandsvæða

Hinn 23. nóvember sl., óskaði umhverfis- og auðlindaráðuneytið eftir umsögnum um drög að frumvarpi til laga um skipulag haf- og strandsvæða. Í umsögn Sambands íslenskra sveitarfélaga er minnt á að sveitarfélögin hafa um langt skeið kallað eftir því að sett verði löggjöf um strandsvæðisskipulag en um er að ræða nýtt viðfangsefni í skipulagsmálum á Íslandi. Aukning hefur verið í starfsemi á haf- og strandsvæðum, sérstaklega sjókvíaeldi, og vaxandi eftirspurn og samkeppni er um svæði.

Nánar...
Síða 1 af 10