8. Þáttur: Tilfinningalegt álag
Í þessum þætti er metið hvort eðli starfsins, eða þeir einstaklingar sem starfsmaður þarf að hafa samskipti við, valdi starfsmanninum sérstöku tilfinningalegu álagi og hversu oft starfsmaður verður fyrir slíku í starfi.
Tekið er tillit til þeirra aðstæðna sem upp koma í samskiptum við aðra, t.d. ef einstaklingar eru reiðir, krefjandi / ósamvinnuþýðir, í uppnámi eða veikir, eða ef aðstæður þess eru slíkar að það veldur streitu hjá starfsmanni t.d. langveikir, einstaklingar ólæknandi sjúkdóm eða með geðræn vandamál. Einnig þeir sem búa við slæmar félagslegar aðstæður eða hafa orðið fyrir misnotkun af einhverju tagi.
Forsenda starfstengds tilfinningalegs álags er að starfið sé þess eðlis að starfsmaður þurfi starfsins vegna að eiga aðild að málefnum viðkomandi einstaklings eða þjónusta hann viðvarandi yfir ákveðið tímabili.
Skoðaðar eru aðstæður eða samskipti sem starfsmaður getur ALMENNT átt von á í starfi og geta valdið tilfinningalegu álagi.
Ef starfsmaður verður miður sín vegna ástands eða aðstæðna einhvers einstaklings/hóps en hefur ekki það hlutverk í sínu starfi að þurfa að bregðast við eða vinna með mál viðkomandi þá telst það í þessu samhengi til einstaklingsbundinnar upplifunar en ekki til tilfinningalegs álags í starfi.
Móðganir og svívirðingar sem starfsmaður kann að verða fyrir í starfi eru metnar í þrettánda þætti: Vinnuaðstæður.