Félagsþjónustunefnd
Samkvæmt stefnumörkun Sambands íslenskra sveitarfélaga 2009 til 2010 var sett á laggirnar sérstök ráðgefandi nefnd fyrir stjórn og starfsmenn sambandsins á síðari hluta árs 2009. Í erindisbréfi nefndarinnar segir m.a.:
Hlutverk nefndarinnar er að vera ráðgefandi fyrir stjórn og starfsmenn sambandsins um verkefni sveitarfélaga á sviði félagsþjónustu og flutning verkefna á því sviði frá ríki til sveitarfélaga.
Meðal verkefna nefndarinnar er að gera tillögur um áherslur og stefnumótun sveitarfélaga á sviði nefndarinnar, svo sem í málefnum fatlaðra og aldraðra, barnaverndarmálum og húsnæðismálum; gefa álit um lagafrumvörp og reglugerðir að beiðni stjórnar og starfsmanna sambandsins; vekja athygli á málum sem nefndin telur að þarfnist úrlausnar á vettvangi sambandsins, sem og á þróun og breytingum, innanlands og erlendis, sem nefndin telur þörf á að sambandið vinni að eða miðli upplýsingum um og vera til ráðgjafar við undirbúning viðburða sambandsins á sviði félagsþjónustumála.
Í nefndinni eiga sæti:
- Stella Víðisdóttir, sviðsstjóri velferðarsviðs Reykjavíkurborgar
- Hjalti Þór Vignisson, bæjarstjóri Sveitarfélagsins Hornafjarðar
- Guðrún Sigurðardóttir, deildarstjóri fjölskyldudeildar Akureyrarkaupstaðar
- Aðalsteinn Sigfússon, félagsmálastjóri Kópavogsbæjar
- Kristín Þyrí Þorsteinsdóttir, félagsmálastjóri Sandgerðisbæjar, Garðs og Voga
Fundargerðir félagsþjónustunefndar