Ungmennaáætlun ESB
Ungmennaáætlun ESB - Evrópa unga fólksins: Evrópa unga fólksins (EUF) er styrkjaáætlun sem er ætluð ungu fólki í Evrópu á aldrinum 13-30 ára og þeim sem vinna með þessum aldurshópi. EUF styrkir fjölbreytt verkefni og skiptist áætlunin í 5 flokka:
1. Ungmennaskipti: Skólahópar, hópar úr félagsmiðstöðvum eða ungmennahúsum og þeir sem vinna fyrir og með ungu fólki geta myndað tengsl við sambærilega hópa í öðrum Evrópulöndum.
2. Frumkvöðlaverkefni: Ungir frumkvöðlar eru í öllum bæjarfélögum en styrkir eru veittir til verkefna sem unga fólkið kemur með hugmyndir að og skipuleggur vinnuna með aðstoð leiðbeinenda.
3. Lýðræðisverkefni: Verkefni í þessum flokki eru ætluð til þess að hvetja ungt fólk til lýðræðislegra ákvarðanatöku og til þess að þau láti sig umhverfi sitt skipta.
4. Sjálfboðaliðaþjónusta: Stofnanir innan sveitarfélaga geta búið til verkefni og fengið til sín sjálfboðaliða í 2 – 12 mánuði. Verkefnin geta verið t.d. að skipuleggja sumarhátíðir, vinna við minjasöfn, vinna með fötluðum, með börnum, í tengslum við frístundaheimili og fleira.
5. Stuðningskerfi ungmenna: Þjálfun, tengslamyndun og fjölbreytt samvinna í æskulýðsmálum. Ungmennaáætlunin gerir ráð fyrir möguleikum á að skipuleggja og sækja tengslaráðstefnur og ýmis námskeið og kynningar.
Upplýsingar fyrir umsækjendur má finna hér.
Umsóknarfrestur til landsstofnana:
| Verkefni sem hefjast milli | Umsóknarfrestur |
| 1 maí og 30 sept | 1 feb |
| 1 júl og 30 nóv | 1 ap |
| 1 sept og 31 jan | 1 jún |
| 1 des og 30 ap | 1 sept |
| 1 feb og 31 júl | 1 nóv |
Fyrir umsóknir til framkvæmdastofnunarinnar (Executive Agency):
| Verkefni sem hefjast milli | Umsóknarfrestur |
| 1 ág og 31 des | 1 feb |
| 1 des og 30 apr | 1 jún |
| 1 mars og 31 júl | 1 sept |
Ungmennasamband Íslands - UMSÍ, hefur umsjón með áætluninni á Íslandi.