Jafnréttis- og vinnumálaáætlun ESB
Jafnréttis- og vinnumálaáætlun Evrópusambandsins (PROGRESS)
Áætlunin miðar m.a. að því að bæta aðstæður á vinnumarkaði og verður áhersla lögð á fimm flokka, þ.e. vinnumál, félagslega velferð og aukna þátttöku jaðarhópa í samfélaginu, bætta vinnuvernd og hollustu á vinnustöðum, aðgerðir til að draga úr mismunum og leiðir til að auka fjölbreytni og loks jafnréttismál. Frjáls félagasamtök, fyrirtæki, opinberar stofnanir, einstaklingar, háskólar og sveitarfélög. Tilgreint er í auglýsingum hverjir geta sótt um í hvert sinn. Auglýst er allt árið um kring eftir umsóknum í verkefni. Um tvenns konar verkefni er að ræða, annars vegar verkefni þar sem umsækjandi er verktaki og eru verkefni þá að fullu greidd af Evrópusambandinu og hins vegar verkefni þar sem Evrópusambandið óskar eftir ákveðnum hugmyndum og eru 80% af heildarkostnaði þeirra verkefna greidd.Félags- og tryggingamálaráðuneytið hefur umsjón með áætluninni
Tengiliður er Linda Rós Alfreðsdóttir.
Euro Info Center - Evro Info Skrifstofan
Euro Info Centre (EIC) er upplýsingaskrifstofa sem rekin er af Útflutningsráði Íslands, iðnaðar-og viðskiptaráðuneytinu og Evrópusambandinu. Hún er hluti af EIC netverki er samanstendur af um 300 skrifstofum innan Evrópska efnahagssvæðisins. EIC skrifstofunni er ætlað það hlutverk að vera fyrsti leitarstaður fyrir lítil og meðalstór fyrirtæki (LMF) er vantar upplýsingar um málefni er snerta innri markað ESB, t.d. tolla og tollkvóta, skatta o.s.frv.
Euro Info skrifstofan á Íslandi veitir upplýsingar og aðstoð um hvað eina sem snertir viðskipti innan Evrópu. Vegna tengsla við íslenskt atvinnulíf hefur hún einnig milligöngu um að koma ábendingum og athugasemdum frá fyrirtækjum á framfæri við framkvæmdastjórn Evrópusambandsins.
Umsjónaraðili á Íslandi:
Evro Info Skrifstofan
Erna Björnsdóttir, forstöðumaður
Borgartún 35, 105 Reykjavík
Sím:i 511 4000
Bréfsími: 511 4040
Netfang: erna@utflutningsrad.is
Veffang: www.euroinfo.is
EURES - EES vinnumálastofnun
EURES (European Employment Services) er samstarf um vinnumiðlun milli ríkja á Evrópska Efnahagssvæðinu (EES), íslenska heiti þess er EES-Vinnumiðlun. Átta hundruð Eures-ráðgjafar mynda samskiptanet í öllum ríkjum EES. EURES-netið er á vegum framkvæmdastjórnar Evrópusambandsins en með EES-samningnum hafa Íslendingar sama aðgang að þessum stóra vinnumarkaði. Markmiðið er að auðvelda vinnandi fólki að flytjast milli EES-landa.
Euresráðgjafar miðla upplýsingum um atvinnutækifæri og umsækjendur svo hægt sé að leysa staðbundna manneklu og atvinnuleysi á ýmsum sviðum með flutningum milli svæða.
Umsjónaraðili á Íslandi:
Vinnumiðlun höfuðborgarsvæðisins
Engjateigi 11, 105 Reykjavík
Sími: 554 7600
Bréfsími: 554 7601
Netfang: eures@svm.is
Veffang: www.vinnumalastofnun.is